បុរសម្នាក់ត្រូវបានប៉ូលិសចាប់ខ្លួននៅខាងក្រៅទីលានវាយកូនហ្គោលរបស់ប្រធានាធិបតី លោកDonald Trump ក្នុងរដ្ឋកាលីហ្វ័រញ៉ា មុនពេលលោកធ្វើដំណើរទៅកាន់ទីក្រុងឡូសអេនជឺលេស។
ប្រភពពីសារព័ត៌មានAnadolu Agency នៅថ្ងៃទី៥ខែសីហា។
ជនសង្ស័យឈ្មោះ Jeanine John Taele អាយុ ៣៨ ឆ្នាំ ត្រូវបានចាប់ខ្លួន បន្ទាប់ពីអាជ្ញាធរប្រទះឃើញរូបគេដើរនៅក្បែរបរិវេណទីលានវាយកូនហ្គោល ហើយមានអាវុធជាប់ខ្លួន។ ប៉ូលិសក៏បានបញ្ជាក់ថា រូបគេកំពុងជាប់ការស៊ើបអង្កេតក្នុងករណីប្លន់មួយផងដែរ។
ទោះបីជាយ៉ាងណា អាជ្ញាធរបានអះអាងថា មិនទាន់មានភស្តុតាងបញ្ជាក់ថា ជនសង្ស័យមានគម្រោងវាយប្រហារលើលោក Trump នោះទេ ហើយការស៊ើបអង្កេតកំពុងបន្ត៕
