Update៖ រដ្ឋបាលខេត្តកំពង់ឆ្នាំង បង្កើតក្រុមការងារចំនួន១៤រូប ដើម្បីត្រួតពិនិត្យភាពមិនប្រក្រតី នៃការអនុវត្តគម្រោងមូលនិធិឃុំចំនួន៦ រួមទាំងឃុំទឹកហូតផងដែរ!

(កំពង់ឆ្នាំង)៖ លោក ស៊ុន សុវណ្ណារិទ្ធ អភិបាលខេត្តកំពង់ឆ្នាំង នៅថ្ងៃទី១៣ ខែសីហា ឆ្នាំ២០២៦ បានចុះហត្ថលេខាបង្កើតក្រុមការងារចំពោះកិច្ច ដែលមានសមាសភាពចំនួន១៤រូប.ដើម្បីត្រួតពិនិត្យភាពមិនប្រក្រតី នៃការអនុវត្តគម្រោងមូលនិធិឃុំចំនួន៦ និងគម្រោងមូលនិធិឃុំ-សង្កាត់ នៅក្នុងខេត្តកំពង់ឆ្នាំងទាំងមូល!។

ក្រុមការងារទាំង១៤រូប ដឹកនាំដោយលោក ឈឹម វុទ្ធ អភិបាលរងខេត្តកំពង់ឆ្នាំង រួមជាមួយមន្ត្រីសាលាខេត្ត ដូចជា នាយករងរដ្ឋបាលសាលាខេត្ត អភិបាលស្រុក-ក្រុងនិងនាយក-នាយករងទីចាត់ការមួយចំនួន។

ភារកិច្ចរបស់ក្រុមការងារនេះរួមមាន៖
ការចុះពិនិត្យ និងស្រាវជ្រាវអំពីការអនុវត្តគម្រោងមូលនិធិ(ព័ត៌មាននិងកិច្ចសន្យាគម្រោង) នៅក្នុងឃុំទឹកហូត នៃស្រុករលាប្អៀរ.ឃុំមេលំ នៃស្រុកបរិបូណ៌.ឃុំចោងម៉ោង នៃស្រុកទឹកផុស.ឃុំសេដ្ឋី នៃស្រុកសាមគ្គីមានជ័យ.ឃុំលង្វែក នៃស្រុកកំពង់ត្រឡាច និងគម្រោងមូលនិធិឃុំ.សង្កាត់ទូទាំងខេត្ត។

ក្រុមការងារក៏ត្រូវត្រួតពិនិត្យ ការអនុវត្តតួនាទី និងភារកិច្ចរបស់មន្ត្រីរាជការ សមាជិកក្រុមប្រឹក្សា ស្មៀនឃុំ.សង្កាត់ ឬអ្នកទទួលការដែលពាក់ព័ន្ធនឹងគម្រោងទាំងនេះ។

គួរំលឹកថា នៅថ្ងៃទី១២.០៨.២០២៦ រដ្ឋបាលខេត្តកំពង់ឆ្នាំង បានសម្រេច បញ្ចប់មុខតំណែងមន្ត្រីចំនួន២រូប៖ ទី១៖ លោក ហង្ស ពិសី ពីនាយកទីចាត់ការផែនការ និងវិនិយោគសាលាខេត្ត មកជាមន្ត្រីការិយាល័យ គ្រប់គ្រងបុគ្គលិក។
២-លោក វ៉ាន់ ថេន ពីនាយកទីចាត់ការអន្តរវិស័យសាលាខេត្ត មកជាមន្ត្រីការិយាល័យគ្រប់គ្រងបុគ្គលិក។

*ថ្មីៗនេះមានការផ្សព្វផ្សាយពីភាពមិនប្រក្រតី នៃការអនុវត្តគម្រោងមូលនិធិឃុំទឹកហូត ស្រុករលាប្អៀរ ខេត្តកំពង់ឆ្នាំង ដែលបង្គោលសូឡា១ដើមតម្លៃ៨,០០០,០០០រៀល ពោលគឺតម្លៃនេះខ្ពស់ជាងទីផ្សារ.ហួសហេតុពេកទើបមានប្រតិកម្ម៕

Leave a Reply

Your email address will not be published. Required fields are marked *