រដ្ឋាភិបាលបណ្តោះអាសន្នរបស់វេណេស៊ុយអេឡា និងក្រុមបក្សប្រឆាំង បានបញ្ចប់ការចរចាជុំទី១ ដើម្បីព្យាយាមបញ្ចប់ជម្លោះនយោបាយ និងរៀបចំប្រទេសឱ្យឈានទៅរកការផ្លាស់ប្តូរដែលមានស្ថិរភាព។
ប្រភពពីសារព័ត៌មានTRT World នៅថ្ងៃទី១៣ខែសីហា។
ក្រោយពិភាក្សាគ្នាជាច្រើនថ្ងៃ ភាគីទាំងពីរបានឯកភាពលើបញ្ហាសំខាន់ៗចំនួន២។ ទីមួយ គឺ កំណែទម្រង់ប្រព័ន្ធតុលាការ ដើម្បីធ្វើឱ្យប្រព័ន្ធយុត្តិធម៌មានភាពប្រសើរឡើង។ ទីពីរ គឺ ស្វែងរកមធ្យោបាយយកប្រាក់របស់វេណេស៊ុយអេឡាដែលត្រូវបានបង្កកនៅធនាគារអង់គ្លេសមកប្រើប្រាស់ ដើម្បីជួយប្រទេសស្តារឡើងវិញ បន្ទាប់ពីគ្រោះរញ្ជួយដីធ្ងន់ធ្ងរ ដែលបានសម្លាប់មនុស្សជាង ៦,៣០០នាក់។
ទោះជាយ៉ាងណា បញ្ហាសំខាន់មួយទៀត គឺ ការកែទម្រង់ស្ថាប័នរៀបចំការបោះឆ្នោត មិនទាន់មានការឯកភាពគ្នានៅក្នុងជុំទី១នេះទេ។ បក្សប្រឆាំងសង្ឃឹមថា កិច្ចចរចាបន្តទៀតនឹងអាចនាំប្រទេសទៅរកការបោះឆ្នោតដែលមានលក្ខណៈប្រជាធិបតេយ្យ៕
