(អ៊ីស្ថានប៊ុក)៖ សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា និងលោកជំទាវបណ្ឌិត ព្រមទាំងគណៈប្រតិភូ បានអញ្ជើញដល់ទីក្រុងអ៊ីស្ថានប៊ុល ប្រទេសតួកគីយ៉េ នៅថ្ងៃទី១៦ ខែតុលា ឆ្នាំ២០២៦ ក្រោយបញ្ចប់ការងារនៅប្រទេសអាស៊ែបៃហ្សង់!។
សម្តេចធិបតី អញ្ជើញជាអធិបតីបើកវេទិកាធុរកិច្ចកម្ពុជា និងតួកគីយ៉េ ដែលរៀបចំឡើងដោយក្រសួងពាណិជ្ជកម្ម និងសភាពាណិជ្ជកម្មនៃប្រទេសទាំងពីរ។
វេទិកានេះមានការចូលរួមដោយរដ្ឋមន្ត្រីពាណិជ្ជកម្មកម្ពុជា និងតួកគីយ៉េ ប្រធានសភាពាណិជ្ជកម្មកម្ពុជា និងតួកគីយ៉េ ហើយក៏មានការអញ្ជើញចូលរួមពីតំណាងក្រុមហ៊ុននៃប្រទេសតួកគីយ៉េ និងកម្ពុជា សរុបចំនួន ៦៦ ក្រុមហ៊ុន។ វេទិកានេះជាឱកាសដ៏សំខាន់ក្នុងការពង្រឹងទំនាក់ទំនងធុរកិច្ច និងស្វែងរកដៃគូសហការថ្មីៗរវាងវិស័យឯកជននៃប្រទេសទាំងពីរ។
ក្នុងវេទិកានេះ ក៏មានការផ្លាស់ប្តូរអនុស្សរណៈយោគយល់គ្នារវាងសភាពាណិជ្ជកម្មកម្ពុជា និងគណៈកម្មាធិការទំនាក់ទំនងសេដ្ឋកិច្ច បរទេសរបស់តួកគីយ៉េ ក្នុងបំណងជំរុញធុរកិច្ចរវាងប្រទេសទាំង២៕
