ប្រធានាធិបតីអាមេរិក លោក ដូណាល់ ត្រាំ បាននិយាយកាលពីថ្ងៃទី១៥ ខែតុលា ឆ្នាំ២០២៦ថា ទីក្រុងវ៉ាស៊ីនតោន កំពុងពិភាក្សាជាមួយទីក្រុងមូស្គូ និងទីក្រុងប៉េកាំង ក្នុងគោលបំណងរំសាយអាវុធនុយក្លេអ៊ែរ នៃក្រុមប្រទេសមហាអំណាច ដែលមានអាវុធនុយក្លេអ៊ែរច្រើនជាងគេបង្អស់ នៅលើពិភពលោក។
សារព័ត៌មាន Reuters។
តាមវិទ្យាស្ថានស្រាវជ្រាវសន្តិភាពអន្តរជាតិស្តុកខុល(SIPRI) រុស្ស៊ីជាប្រទេសមានចំនួនក្បាលគ្រាប់នុយក្លេអ៊ែរ។
ដែលរក្សាទុកក្នុងឃ្លាំងច្រើនជាងគេបំផុត បន្ទាប់មកគឺសហរដ្ឋអាមេរិក និងចិន។
ចំណែកសហរដ្ឋអាមេរិកវិញ គឺជាប្រទេសមានចំនួនក្បាលគ្រាប់នុយក្លេអ៊ែរ ដែលដាក់ពង្រាយរួចហើយ ច្រើនជាងរុស្ស៊ី។
លោក ត្រាំ ប្រាប់សារព័ត៌មាន Newsmax ថាស្ថានភាពទាំងមូលនេះ គួរឱ្យសោកស្តាយណាស់ ព្រោះខ្ញុំពិតជាចង់រំសាយអាវុធនុយក្លេអ៊ែរ ប្រសិនបើអាចធ្វើទៅបាន។
ប៉ុន្តែតាមពិត យើងកំពុងពិភាក្សាជាមួយរុស្ស៊ីអំពីបញ្ហានេះ ហើយក៏កំពុងពិភាក្សាជាមួយចិន អំពីការរំសាយអាវុធនុយក្លេអ៊ែរផងដែរ។
សារព័ត៌មាន Newsmax បានរាយការណ៍ថា លោក ត្រាំ បានពិភាក្សាអំពីបញ្ហានេះជាមួយប្រធានាធិបតីចិន លោក ស៊ី ជីនពីង។
ការលើកឡើងរបស់លោក ត្រាំ គឺប៉ុន្មានខែបន្ទាប់ ពីសន្ធិសញ្ញាកាត់បន្ថយអាវុធយុទ្ធសាស្ត្រ ហៅថា New START បានផុតសុពលភាព កាលពីដើមឆ្នាំនេះ។
សន្ធិសញ្ញា New START ដែលបានចុះហត្ថលេខាដំបូងកាលពីក្នុងឆ្នាំ២០១០ អនុញ្ញាតឱ្យមានការពន្យារសុពលភាពតែម្តងប៉ុណ្ណោះ។
ដែលត្រូវបានប្រើរួចទៅហើយដោយ អតីតប្រធានាធិបតីអាមេរិក លោក ចូ បៃដិន និងប្រធានាធិបតីរុស្ស៊ី លោក វ៉្លាឌីមៀ ពូទីន សម្រាប់រយៈពេល៥ឆ្នាំ៕
