ការផ្ទុះជំងឺអេបូឡា នៅសាធារណរដ្ឋប្រជាធិបតេយ្យកុងហ្គោ (DRC) បានរាលដាលទៅដល់ខេត្តទី៦ បន្ទាប់ពីមានមនុស្សម្នាក់ស្លាប់នៅខេត្ត Bas-Uele ដែលមុននេះមិនទាន់មានករណីឆ្លង។
ប្រភពពីសារព័ត៌មានAl Jazeera នៅថ្ងៃទី១៤ខែសីហា។
មន្ត្រីសុខាភិបាលបាននិយាយថា បុរសរូបនេះបានធ្វើដំណើរមកពីខេត្ត Haut-Uele មុនពេលស្លាប់នៅទីក្រុង Buta។ រហូតមកដល់ពេលនេះ ជំងឺនេះបានឆ្លងប្រមាណ ៤,៥៦៦ ករណី និងបណ្តាលឱ្យមនុស្ស ២,១២៨ នាក់ស្លាប់។
អង្គការសុខភាពពិភពលោក (WHO) បានព្រមានថា ជំងឺកំពុងរាលដាលយ៉ាងលឿន ហើយអាចក្លាយជាការផ្ទុះអេបូឡាដែលមានអ្នកស្លាប់ច្រើនបំផុត ប្រសិនបើមិនអាចទប់ស្កាត់បានទាន់ពេល៕
