ប្រធានាធិបតីអាមេរិក Donald Trump បានបញ្ជាឱ្យក្រសួងការពារជាតិអាមេរិក កាត់បន្ថយយ៉ាងច្រើននូវសមយុទ្ធយោធារួមជាមួយកូរ៉េខាងត្បូង។
ការបញ្ជានេះបានធ្វើឡើងមុនពេលសមយុទ្ធប្រចាំឆ្នាំ Ulchi Freedom Shield ចាប់ផ្តើម។
ប្រភពពីសារព័ត៌មានReuter នៅថ្ងៃទី១៧ ខែសីហា។
លោក Trump បានលើកឡើងថា សមយុទ្ធទាំងនេះចំណាយថវិកាច្រើន និងអាចបង្កើតសញ្ញាដែលមិនសមស្របចំពោះកូរ៉េខាងជើង។
លោកក៏បានសង្កត់ធ្ងន់លើទំនាក់ទំនងល្អរបស់លោកជាមួយមេដឹកនាំកូរ៉េខាងជើង Kim Jong Un។
ទោះជាយ៉ាងណា កូរ៉េខាងត្បូង និងអាមេរិកនៅតែចាប់ផ្តើមសមយុទ្ធតាមកាលវិភាគ ហើយភាគីកូរ៉េខាងត្បូងបានបញ្ជាក់ថា ប្រទេសទាំងពីរនឹងបន្តសហការលើការការពាររួម។
តាមការវិភាគរបស់ Brenda Goh ប្រធានការិយាល័យ Reuters ប្រចាំកូរ៉េខាងត្បូង ទំនាក់ទំនងរវាងអាមេរិក និងកូរ៉េខាងត្បូងក្រោមរដ្ឋបាល Trump ហាក់ដូចជាកាន់តែផ្អែកលើផលប្រយោជន៍ និងការចរចាផ្នែកថ្លៃដើម ជាងទំនាក់ទំនងសម្ព័ន្ធមិត្តបែបប្រពៃណី។ បច្ចុប្បន្ន អាមេរិកមានទាហានប្រមាណ ២៨,៥០០ នាក់ឈរជើងនៅកូរ៉េខាងត្បូង៕
