ការផ្ទុះជំងឺអេបូឡានៅសាធារណរដ្ឋប្រជាធិបតេយ្យកុងហ្គោ បានក្លាយជាការផ្ទុះជំងឺដ៏សាហាវបំផុតក្នុងប្រវត្តិសាស្ត្ររបស់ប្រទេស បន្ទាប់ពីចំនួនអ្នកស្លាប់បានកើនដល់២,៣២៥នាក់។
ប្រភពពីសារព័ត៌មានReuter នៅថ្ងៃទី១៧ខែសីហា។
តាមទិន្នន័យរបស់រដ្ឋាភិបាលកុងហ្គោ ចំនួនអ្នកឆ្លងដែលបានបញ្ជាក់មាន ៤,៩៤៥ នាក់ ហើយក្នុងរយៈពេល ២៤ ម៉ោងចុងក្រោយ មានអ្នកឆ្លងថ្មីចំនួន ១០១ នាក់។
ការផ្ទុះជំងឺអេបូឡាលើកទី១៧នេះ ក៏បានក្លាយជាការផ្ទុះដែលមានអ្នកឆ្លងច្រើនបំផុតក្នុងប្រវត្តិសាស្ត្ររបស់កុងហ្គោផងដែរ។ មុននេះ ការផ្ទុះជំងឺនៅចន្លោះឆ្នាំ ២០១៨–២០២០ គឺជាការផ្ទុះដ៏ធ្ងន់ធ្ងរបំផុត ដោយបានសម្លាប់មនុស្ស ២,២៩៩ នាក់។
ជាមួយនឹងចំនួនអ្នកស្លាប់ និងអ្នកឆ្លងដែលកំពុងកើនឡើង អាជ្ញាធរសុខាភិបាល និងក្រុមតាមដានជំងឺកំពុងបន្តចាត់វិធានការដើម្បីទប់ស្កាត់ការរីករាលដាលនៃជំងឺអេបូឡា៕
