ប្រធានាធិបតីកូឡុំប៊ី លោក Abelardo De La Espriella បានឱ្យដឹងថា ការខាតបង់សេដ្ឋកិច្ចបឋមពីការរញ្ជួយដីដ៏ខ្លាំងដែលបានវាយប្រហារប្រទេសកាលពីសប្តាហ៍មុន អាចមានប្រហែល ៩.៦ ពាន់លានដុល្លារអាមេរិក។
ប្រភពពីសារព័ត៌មានReuter នៅថ្ងៃទី១៨ខែសីហា។
លោកបានបញ្ជាក់ថា ក្នុងចំណោមការខូចខាតទាំងនោះ ប្រមាណ២៤.៥ ទ្រីលានប៉េសូ គឺជាការខូចខាតអគារ និងសំណង់ ខណៈ ៥.៥ ទ្រីលានប៉េសូទៀត គឺជាការខូចខាតហេដ្ឋារចនាសម្ព័ន្ធ។
លោកប្រធានាធិបតីបានសង្កត់ធ្ងន់ថា តួលេខនេះគ្រាន់តែជាការប៉ាន់ស្មានបឋមប៉ុណ្ណោះ ហើយអាចនឹងកើនឡើង ឬផ្លាស់ប្តូរ នៅពេលអាជ្ញាធរប្រមូលព័ត៌មានបន្ថែម និងវាយតម្លៃការខូចខាតនៅតាមតំបន់នានា។
សូមបញ្ជាក់ថា៖ ការរញ្ជួយដីដ៏ខ្លាំងនេះបានប៉ះពាល់ដល់ទីក្រុងសំខាន់ៗជាច្រើននៅភាគខាងលិចប្រទេសកូឡុំប៊ី និងបានបង្កការខូចខាតយ៉ាងធ្ងន់ធ្ងរដល់អគារ និងហេដ្ឋារចនាសម្ព័ន្ធ៕
