ការវាយប្រហាររបស់រុស្ស៊ីនៅតំបន់ Kharkiv របស់ប្រទេសអ៊ុយក្រែន បានបណ្តាលឱ្យមនុស្សយ៉ាងហោចណាស់ ១០នាក់ស្លាប់ និង៨នាក់រងរបួស ខណៈអ៊ុយក្រែនបានបើកការវាយប្រហារដោយយដ្រូនទ្រង់ទ្រាយធំទៅកាន់ទីក្រុងម៉ូស្គូ និងតំបន់ជុំវិញ។
ប្រភពពីសារព័ត៌មានAl Jazeera នៅថ្ងៃទី១៨ខែសីហា។
អាជ្ញាធររុស្ស៊ីបាននិយាយថា អ៊ុយក្រែនបានបាញ់បញ្ជូនដ្រូនជាង៦២០គ្រឿងឆ្ពោះទៅកាន់ទីក្រុងម៉ូស្គូក្នុងយប់មួយ ដែលត្រូវបានចាត់ទុកថាជាការវាយប្រហារដោយដ្រូនដ៏ធំបំផុតមួយក្នុងរយៈពេលប៉ុន្មានឆ្នាំចុងក្រោយ។ ប្រព័ន្ធការពារអាកាសរុស្ស៊ីអះអាងថា បានបំផ្លាញដ្រូនប្រមាណ ១៨០គ្រឿងនៅតំបន់ជុំវិញរដ្ឋធានី និង ១៧គ្រឿងបន្ថែមទៀតនៅពេលក្រោយ។
ការវាយប្រហារដោយដ្រូនបានបណ្តាលឱ្យមនុស្ស ៣នាក់រងរបួស ក្នុងនោះមានក្មេងស្រីអាយុ ១០ឆ្នាំម្នាក់។ ផ្ទះមួយខ្នងត្រូវបានភ្លើងឆេះ ខណៈផ្ទះជាច្រើនខ្នង និងផ្ទះសំណាក់មួយកន្លែងក៏រងការខូចខាត។
ក្រៅពីនេះ ឃ្លាំងរបស់ក្រុមហ៊ុនពាណិជ្ជកម្មអេឡិចត្រូនិក Wildberries នៅភាគខាងកើតទីក្រុងម៉ូស្គូ ក៏រងការខូចខាតបន្តិចបន្តួច ដោយសារកម្ទេចកម្ទីពីការវាយប្រហារ៕
