អគ្គិភ័យដ៏ធំមួយបានកើតឡើងនៅមជ្ឈមណ្ឌលប្រេងឥន្ធនៈ ក្នុងតំបន់ Tanjaro ខេត្ត Sulaymaniyah ភាគខាងជើងប្រទេសអ៊ីរ៉ាក់ នៅថ្ងៃទី១៨ ខែសីហា ឆ្នាំ២០២៦។
ប្រភពពីសារព័ត៌មានAnadolu Agency។
ហេតុការណ៍នេះបានបណ្តាលឱ្យមនុស្សប្រមាណ ៣០នាក់រងរបួស ក្នុងនោះមានអ្នកពន្លត់អគ្គិភ័យ ៤នាក់។ អ្នករងរបួសភាគច្រើនជាកម្មករ និងបុគ្គលិកនៅទីតាំងកើតហេតុ ហើយភាគច្រើនបានទទួលការព្យាបាលបឋម និងចាកចេញពីមន្ទីរពេទ្យ។ ប៉ុន្តែមានកម្មករជនជាតិអ៊ីរ៉ង់ម្នាក់រងរបួសធ្ងន់ និងកំពុងសម្រាកព្យាបាល។
អគ្គិភ័យបានកើតឡើងជាមួយការផ្ទុះនៅក្នុងធុងផ្ទុកសារធាតុងាយឆេះ។ ក្រុមពន្លត់អគ្គិភ័យបានចុះអន្តរាគមន៍ និងអាចគ្រប់គ្រងភ្លើងបានទាំងស្រុង។ អាជ្ញាធរក៏បានបិទតំបន់កើតហេតុ និងបង្វែរចរាចរណ៍ ដើម្បីការពារសុវត្ថិភាពប្រជាពលរដ្ឋ។
អាជ្ញាធរខេត្តបានបញ្ជាក់ថា អគ្គិភ័យនេះមិនបានប៉ះពាល់ដល់ការផ្គត់ផ្គង់ប្រេងឥន្ធនៈ និងផលិតផលប្រេងសម្រាប់ប្រជាជនក្នុងខេត្តឡើយ៕
