ប្រធានាធិបតីអាមេរិក លោកDonald Trump កំពុងចង់បើកការចរចាជាមួយមេដឹកនាំកូរ៉េខាងជើង Kim Jong Un ម្តងទៀត។ ប៉ុន្តែការផ្លាស់ប្តូរនេះកំពុងធ្វើឱ្យប្រទេសជាសម្ព័ន្ធមិត្តរបស់អាមេរិក ដូចជា ជប៉ុន និងកូរ៉េខាងត្បូង មានការព្រួយបារម្ភ។
ប្រភពពីសារព័ត៌មានReuter នៅថ្ងៃទី២៥ខែសីហា។
កាលពីពេលថ្មីៗនេះ លោក Trump បានកាត់បន្ថយការធ្វើសមយុទ្ធយោធារួមគ្នារវាងអាមេរិក និងកូរ៉េខាងត្បូង។ សមយុទ្ធទាំងនេះមានគោលបំណងត្រៀមខ្លួនការពារកូរ៉េខាងត្បូង ប្រសិនបើមានការវាយប្រហារពីកូរ៉េខាងជើង។
បន្ទាប់មក អាមេរិកក៏បានលុបចោលសមយុទ្ធយោធាមួយទៀតដែលគ្រោងធ្វើនៅខែក្រោយ ដោយនិយាយថា កងទ័ពអាមេរិកត្រូវការកម្លាំងបន្ថែមសម្រាប់សង្គ្រាមនៅអ៊ីរ៉ង់។
ចំណុចដែលធ្វើឱ្យប្រទេសក្នុងតំបន់ព្រួយបារម្ភ គឺពួកគេខ្លាចថា អាមេរិកអាចបន្ថយការគាំទ្រផ្នែកសន្តិសុខដល់សម្ព័ន្ធមិត្តរបស់ខ្លួន ដើម្បីផ្តោតលើការចរចាជាមួយកូរ៉េខាងជើង។
ជប៉ុនក៏បារម្ភថា ខ្លួនអាចជួបស្ថានការណ៍ស្រដៀងគ្នា នៅពេលកំពុងពិភាក្សាបញ្ហាសន្តិសុខជាមួយអាមេរិក។ តៃវ៉ាន់ក៏កំពុងតាមដានយ៉ាងប្រុងប្រយ័ត្នចំពោះទំនាក់ទំនងរវាងលោក Trump និងចិន។
អ្នកជំនាញខ្លះព្រមានថា ប្រសិនបើលោក Trump ផ្តល់ការអនុគ្រោះច្រើនពេកដល់ Kim Jong Un វាអាចធ្វើឱ្យកូរ៉េខាងជើងមានទំនុកចិត្តកាន់តែខ្លាំង ហើយបង្កើនហានិភ័យសន្តិសុខនៅអាស៊ី៕
