នគរបាលប្រេស៊ីលបានជួយសង្គ្រោះស្ត្រីម្នាក់ ដែលត្រូវបានរាយការណ៍ថា ត្រូវអតីតគូស្នេហ៍ចាប់ជំរិត និងឃុំឃាំងអស់រយៈពេល៥ថ្ងៃ ដោយចងជាប់នឹងគ្រែនិងបិទមាត់។
ប្រភពពីសារព័ត៌មានNews York post នៅថ្ងៃទី២៥ខែសីហា។
តាមសារព័ត៌មាន O Globo ស្ត្រីរងគ្រោះឈ្មោះ Emiliane Tamara Nunes Carvalho អាយុ២៤ឆ្នាំ ជាអ្នកបច្ចេកទេសផ្នែកថែទាំសុខភាព។ នាងបានបាត់ខ្លួនកាលពីថ្ងៃទី១៧ ខែសីហា បន្ទាប់ពីទៅជួបអតីតគូស្នេហ៍ឈ្មោះ Ailton Rodrigues de Souza ដើម្បីពិភាក្សាអំពីកូនពីរនាក់របស់ពួកគេ។
នៅថ្ងៃទី២១ ខែសីហា កម្លាំងនគរបាលយោធាបានចុះទៅកាន់ផ្ទះមួយក្នុងទីក្រុង Águas Lindas de Goiás បន្ទាប់ពីឮសំឡេងស្រែកពីខាងក្នុង។ នគរបាលបានបំបែកទ្វារចូលទៅក្នុងបន្ទប់ ហើយបានរកឃើញ Carvalho កំពុងភ័យខ្លាច និងត្រូវបានចងជាប់នឹងគ្រែ។
នគរបាលបានដោះខ្សែ និងច្រវាក់ចេញពីនាង ហើយនាំនាងទៅទទួលការព្យាបាល។ អាជ្ញាធរកំពុងស៊ើបអង្កេតករណីនេះ ខណៈអតីតគូស្នេហ៍របស់នាងត្រូវបានចោទប្រកាន់ពាក់ព័ន្ធនឹងការចាប់ជំរិត និងរំលោភបំពាន៕
