បង់ក្លាដែសបានបង្ហាញចំណាប់អារម្មណ៍ចង់ចូលរួមក្នុងកិច្ចព្រមព្រៀងការពារជាតិមេកា ដែលបច្ចុប្បន្នមានប្រទេសតួកគី អារ៉ាប៊ីសាអូឌីត និងប៉ាគីស្ថានចូលរួម។
ប្រភពពីសារព័ត៌មានTRT World នៅថ្ងៃទី២៥ខែសីហា។
រដ្ឋមន្ត្រីការបរទេសរដ្ឋបង់ក្លាដែស លោក Humayun Kabir បាននិយាយថា បង់ក្លាដែសបានបង្ហាញចំណាប់អារម្មណ៍រួចហើយ ហើយបញ្ហានេះកំពុងត្រូវបានពិនិត្យក្នុងទិសដៅវិជ្ជមាន។
លោកបានបញ្ជាក់ថា បច្ចុប្បន្នបង់ក្លាដែសកំពុងទទួលបានការគាំទ្រ និងការអញ្ជើញកាន់តែច្រើនពីប្រទេសក្នុងមជ្ឈិមបូព៌ា និងពិភពមូស្លីម។ ជាពិសេស មេដឹកនាំបង់ក្លាដែស រួមទាំងនាយករដ្ឋមន្ត្រី Tarique Rahman ត្រូវបានអញ្ជើញឱ្យចូលរួមក្នុងកិច្ចសហប្រតិបត្តិការផ្សេងៗ។
លោក Kabir បានលើកឡើងថា ប្រសិនបើមានកិច្ចព្រមព្រៀងសន្តិសុខរវាងប្រទេសមូស្លីមនៅតំបន់មជ្ឈិមបូព៌ា វាមិនមែនជារឿងចម្លែកទេដែលបង់ក្លាដែសចង់ចូលរួម។ ទោះជាយ៉ាងណា បង់ក្លាដែសនៅមិនទាន់ក្លាយជាសមាជិកផ្លូវការនៃកិច្ចព្រមព្រៀងនេះនៅឡើយទេ៕
