កាលពីថ្ងៃទី២៩ សីហា ២០២៦ រោងចក្រថាមពលនុយក្លេអ៊ែរZaporizhzhia ដែលធំជាងគេនៅអឺរ៉ុប បានបាត់បង់ការផ្គត់ផ្គង់អគ្គិសនីពីខាងក្រៅអស់រយៈពេលជាងមួយសប្តាហ៍។ ទីភ្នាក់ងារថាមពលបរមាណូអន្តរជាតិ (IAEA) បានព្រមានថា រោងចក្រនេះកំពុងពឹងផ្អែកលើម៉ាស៊ីនភ្លើងម៉ាស៊ូតបម្រុង។
ប្រភពពីសារព័ត៌មានAl Jazeera។
រោងចក្រ ដែលស្ថិតក្រោមការគ្រប់គ្រងរបស់កងកម្លាំងរុស្ស៊ីតាំងពីឆ្នាំ ២០២២ ត្រូវការអគ្គិសនីដើម្បីរក្សាប្រព័ន្ធត្រជាក់សម្រាប់រ៉េអាក់ទ័រទាំង ៦ ដែលមិនកំពុងផលិតអគ្គិសនី។ តាម IAEA រោងចក្រមានប្រេងម៉ាស៊ូតបម្រុងប្រហែល ១០ ថ្ងៃប៉ុណ្ណោះ។
IAEA បានបញ្ជាក់ថា រោងចក្រទទួលបានការផ្គត់ផ្គង់ប្រេងម៉ាស៊ូតបន្ថែមកាលពីថ្ងៃព្រហស្បតិ៍ និងថ្ងៃសុក្រ ប៉ុន្តែការបន្តផ្គត់ផ្គង់អគ្គិសនីនៅតែជាបញ្ហាបន្ទាន់។ ទីភ្នាក់ងារនេះកំពុងព្យាយាមចរចាឱ្យមានបទឈប់បាញ់ក្នុងតំបន់ ដើម្បីអនុញ្ញាតឱ្យជួសជុលខ្សែបណ្តាញអគ្គិសនី។
រោងចក្រ Zaporizhzhia មិនបានផលិតអគ្គិសនីចាប់តាំងពីខែកញ្ញា ឆ្នាំ ២០២២ ប៉ុន្តែរ៉េអាក់ទ័ររបស់វាត្រូវតែរក្សាឱ្យត្រជាក់ជានិច្ច ដើម្បីជៀសវាងហានិភ័យនៃការខូចខាតឥន្ធនៈនុយក្លេអ៊ែរ និងគ្រោះថ្នាក់នុយក្លេអ៊ែរ៕
