យុទ្ធនាការរបស់សហរដ្ឋអាមេរិកក្នុងការបង្កើនសម្ពាធលើអ៊ីរ៉ង់ តាមរយៈវិធានការសេដ្ឋកិច្ច និងទណ្ឌកម្មថ្មីៗ ហាក់ដូចជាមិនទាន់ទទួលបានលទ្ធផលសំខាន់ដូចការរំពឹងទុក។ ការវិភាគរបស់ Reuters Breakingviews បានប្រៀបធៀបស្ថានការណ៍នេះទៅនឹង “D-Day” ដែលជាការចុះចតរបស់កងទ័ពសម្ព័ន្ធមិត្តនៅប្រទេសបារាំងក្នុងសង្គ្រាមលោកលើកទី២ ប៉ុន្តែបានសង្កត់ធ្ងន់ថា យុទ្ធនាការរបស់អាមេរិកលើអ៊ីរ៉ង់មិនទាន់អាចឈានទៅរកជោគជ័យដ៏ធំបានឡើយ។
ប្រភពពីសារព័ត៌មានReuter នៅថ្ងៃទី២៦ខែសីហា។
រដ្ឋមន្ត្រីក្រសួងរតនាគារអាមេរិក លោក Scott Bessent បានប្រកាសពីវិធានការទណ្ឌកម្មបន្ថែមប្រឆាំងនឹងអ៊ីរ៉ង់ ដោយមានគោលបំណងបង្កើនសម្ពាធលើសេដ្ឋកិច្ច និងសកម្មភាពរបស់រដ្ឋាភិបាលទីក្រុងតេហេរ៉ង់។
ទោះជាយ៉ាងណា ការវិភាគបានបង្ហាញថា ការប្រើប្រាស់ទណ្ឌកម្ម និងសម្ពាធសេដ្ឋកិច្ចតែមួយមុខ អាចប្រឈមនឹងកម្រិតប្រសិទ្ធភាព ខណៈអ៊ីរ៉ង់នៅតែមានសមត្ថភាពសម្របខ្លួន និងស្វែងរកមធ្យោបាយកាត់បន្ថយផលប៉ះពាល់ពីទណ្ឌកម្ម។ ដូច្នេះ ការប្រឈមមុខរវាងអាមេរិក និងអ៊ីរ៉ង់នៅតែជាបញ្ហាដែលត្រូវការយុទ្ធសាស្ត្ររយៈពេលវែង និងវិធានការច្រើនជ្រុង៕
