អាជ្ញាធរបាននិយាយថា គិតត្រឹមថ្ងៃទី២៨.០៨.២០២៦ សាកសពចំនួន៣៩២ នាក់ត្រូវបានរកឃើញ និងមនុស្សជាង១.៥០០នាក់ទៀតកំពុងបាត់ខ្លួន នៅទូទាំងប្រទេសនេប៉ាល់ និងតំបន់ទីបេ.របស់ប្រទេសចិន។
បន្ទាប់ពីការបាក់ដី និងថ្មដ៏ធំមួយចូលទៅក្នុងទន្លេហិម៉ាឡៃយ៉ា បង្កឱ្យមានទឹកជំនន់ដ៏មហន្តរាយ នៅទូទាំងទីក្រុង និងជ្រលងភ្នំក្នុងស្រុក។
សារព័ត៌មានAl Jazeera ។
ក្រុមជួយសង្គ្រោះ បានដើរកាត់ភក់នៅថ្ងៃព្រហស្បតិ៍ ដើម្បីស្វែងរកអ្នកបាត់ខ្លួន ខណៈដែលអាជ្ញាធរ នៅប្រទេសនេប៉ាល់ បាននិយាយថា យ៉ាងហោចណាស់មនុស្ស ៣៩២នាក់បានស្លាប់នៅទីនោះ។
នាយករដ្ឋមន្ត្រីចិន លោក លី ឈៀង បានទៅទស្សនាកន្លែងបាក់ដី នៅទីបេនៅរសៀលថ្ងៃព្រហស្បតិ៍ ដើម្បី «ណែនាំការងារជួយសង្គ្រោះ និងសង្គ្រោះបន្ទាន់»មួយថ្ងៃបន្ទាប់ពីគ្រោះមហន្តរាយនេះ ប្រព័ន្ធផ្សព្វផ្សាយរដ្ឋបានរាយការណ៍។
ក្រសួងទេសចរណ៍ របស់ប្រទេសនេប៉ាល់ បាននិយាយនៅក្នុងតួលេខដែលចេញផ្សាយនៅថ្ងៃព្រហស្បតិ៍ថា អ្នកទេសចរចំនួន៦៦៨ នាក់មកពី៣៤ ប្រទេស បានបាត់បង់ទំនាក់ទំនងចាប់តាំងពីព្រឹកថ្ងៃពុធ ដែលភាគច្រើននៃពួកគេកំពុងធ្វើដំណើរឡើងភ្នំ។
ក្នុងចំណោមពួកគេមានយ៉ាងហោចណាស់១៧៧ នាក់មកពីប្រទេសឥណ្ឌា ៩០នាក់មកពីសហរដ្ឋអាមេរិក៣៤ នាក់មកពីអូស្ត្រាលី ៣៣នាក់មកពីចក្រភពអង់គ្លេស និង ២៥នាក់មកពីកាណាដា។
ក្រសួងការបរទេសរបស់ទីក្រុងប៉េកាំងក៏បាននិយាយផងដែរថា ជនជាតិចិន ១០០នាក់ស្ថិតក្នុងចំណោមអ្នកបាត់ខ្លួននៅក្នុងប្រទេសនេប៉ាល់។
នៅក្នុងស្រុក Gyirong នៃតំបន់ទីបេ មនុស្ស ៥៥៨នាក់ត្រូវបានរាយការណ៍ថាបាត់ខ្លួន រួមទាំងជនបរទេស២៦០ នាក់ នេះបើយោងតាមការចុះផ្សាយរបស់ទូរទស្សន៍រដ្ឋចិន CCTV។
ប្រតិបត្តិការស្វែងរក និងជួយសង្គ្រោះកំពុងបង្ហាញថាជា”បញ្ហាប្រឈមដ៏ធំមួយ” ដោយសារគ្រាន់តែ”ទៅដល់តំបន់ដែលរងផលប៉ះពាល់។
ដើម្បីព្យាយាមជួយសង្គ្រោះអ្នករស់រានមានជីវិត”កំពុងបង្ហាញថាជាការលំបាកខ្លាំងណាស់ ពីព្រោះផ្លូវ និងស្ពាននៅទីនោះបានរងការខូចខាតយ៉ាងខ្លាំង នេះបើយោងតាមលោកស្រី Minelle Fernandez នៃ Al Jazeera ដែលរាយការណ៍ពីរដ្ឋធានី Kathmandu របស់ប្រទេសនេប៉ាល់។
ឧទ្ធម្ភាគចក្ររបស់រដ្ឋាភិបាល និងឯកជនជាច្រើនគ្រឿង”ត្រូវបានបញ្ជូនឱ្យហោះហើរទៅកាន់តំបន់ទាំងនោះ ដើម្បីព្យាយាមនាំអ្នករស់រានមានជីវិតឱ្យបានច្រើនតាមដែលអាចធ្វើទៅបាន” ទៅកាន់មន្ទីរពេទ្យ ដើម្បីទទួលការព្យាបាលរបួសដែលគ្រូពេទ្យនិយាយថា រួមមានឆ្អឹងជំនីរបាក់ និងរលាកស្បែក នេះបើយោងតាមលោកស្រី Fernandez៕
