សង្គ្រាមរវាងអ៊ីរ៉ង់ជាមួយសហរដ្ឋអាមេរិក និងអ៊ីស្រាអែល បានបន្តអស់រយៈពេល៦ខែហើយ ប៉ុន្តែមិនទាន់មានភាគីណាមួយឈ្នះដាច់ខាតឡើយ។ របបដឹកនាំអ៊ីរ៉ង់ក៏មិនបានដួលរលំដូចការរំពឹងទុករបស់សហរដ្ឋអាមេរិកមួយចំនួនដែរ។
ប្រភពពីសារព័ត៌មានAl Jazeera នៅថ្ងៃទី២៨ខែសីហា។
សង្គ្រាមនេះក៏កំពុងប៉ះពាល់ដល់ប្រទេសអារ៉ាប់ ជាពិសេសប្រទេសដែលពឹងផ្អែកលើការនាំចេញប្រេង។ ដោយសារការប្រយុទ្ធនៅជុំវិញ ច្រកសមុទ្រ Hormuz នាវាដឹកប្រេង និងទំនិញឆ្លងកាត់តំបន់នេះបានថយចុះយ៉ាងខ្លាំង។ វាធ្វើឱ្យការដឹកជញ្ជូន និងសេដ្ឋកិច្ចក្នុងតំបន់មានភាពមិនប្រាកដប្រជា។
ទោះបីការប្រយុទ្ធបានថយចុះបន្តិចក្រោយការយល់ព្រមរវាងអាមេរិក និងអ៊ីរ៉ង់កាលពីខែមិថុនា ក៏សង្គ្រាមនៅតែមិនទាន់បញ្ចប់ទេ។ ប្រទេសជាច្រើនក្នុងតំបន់ក៏ព្រួយបារម្ភថា ជម្លោះអាចអូសបន្លាយ និងធ្វើឱ្យបញ្ហាសន្តិសុខកាន់តែធ្ងន់ធ្ងរ។
សូមបញ្ជាក់ថា៖ សង្គ្រាមនេះមិនត្រឹមតែប៉ះពាល់ដល់អ៊ីរ៉ង់ អាមេរិក និងអ៊ីស្រាអែលទេ ប៉ុន្តែថែមទាំងប៉ះពាល់ដល់ប្រទេសអារ៉ាប់ សេដ្ឋកិច្ច តម្លៃប្រេង និងការដឹកជញ្ជូនតាមសមុទ្រផងដែរ។ ប្រទេសក្នុងតំបន់កំពុងរង់ចាំមើលថា សង្គ្រាមនឹងបញ្ចប់ដោយវិធីណា៕
