ចំនួនអ្នកស្លាប់ដោយសារទឹកជំនន់ និងការបាក់ដីដ៏ធ្ងន់ធ្ងរនៅនេប៉ាល់និងតំបន់ទីបេរបស់ចិន បានកើនដល់៤៧២នាក់ ខណៈមនុស្សជាង១,០០០នាក់កំពុងបាត់ខ្លួន។
ប្រភពពីសារព័ត៌មានAnadolu Agency នៅថ្ងៃទី២៨ខែសីហា។
នៅនេប៉ាល់មានអ្នកស្លាប់ ៤៦៩នាក់ ខណៈនៅតំបន់ទីបេរបស់ចិន មានអ្នកស្លាប់ ៣នាក់។ អាជ្ញាធរបានបញ្ជាក់ថា មនុស្សរាប់រយនាក់ផ្សេងទៀតនៅមិនទាន់ត្រូវបានរកឃើញ។
ទឹកជំនន់បានកើតឡើងកាលពីថ្ងៃពុធ នៅភាគខាងជើង និងកណ្តាលនេប៉ាល់។ ទឹកបានហូរខ្លាំងតាមដងទន្លេ បណ្តាលឱ្យ ផ្ទះ ស្ពាន និងផ្លូវជាច្រើនត្រូវបានបំផ្លាញ ហើយមនុស្សមួយចំនួនត្រូវបានទឹកហូរនាំទៅ។
ក្រុមសង្គ្រោះរបស់នេប៉ាល់កំពុងបន្តស្វែងរកអ្នកបាត់ខ្លួន និងជួយជម្លៀសអ្នករស់រានមានជីវិត។ ឧទ្ធម្ភាគចក្រត្រូវបានប្រើ ដើម្បីទៅជួយប្រជាជននៅតំបន់ដែលផ្លូវត្រូវបានកាត់ផ្តាច់។
អាជ្ញាធរនៅតែបន្តស្វែងរកអ្នកបាត់ខ្លួន និងប្រមូលព័ត៌មានពីតំបន់រងគ្រោះ ដូច្នេះចំនួនអ្នកស្លាប់ និងអ្នកបាត់ខ្លួនអាចនឹងកើនឡើងបន្ថែមទៀត៕
