រដ្ឋបាលអាកាសចរណ៍សហព័ន្ធសហរដ្ឋអាមេរិក (FAA) កំពុងចាត់វិធានការដើម្បីបណ្តេញមន្ត្រីគ្រប់គ្រងចរាចរណ៍អាកាសចំនួន២នាក់នៅអាកាសយានដ្ឋាន LaGuardia ក្នុងទីក្រុងញូវយ៉ក ដែលត្រូវបានគេជឿថា បានចាកចេញពីការងារមុនម៉ោង មុនពេលកើតមានឧបទ្ទវហេតុយន្តហោះ Air Canada Express បុកជាមួយរថយន្តពន្លត់អគ្គិភ័យ កាលពីថ្ងៃទី២២ ខែមីនា។
ប្រភពពីសារព័ត៌មានReuter នៅថ្ងៃទី២៨ខែសីហា។
ប្រភពដែលដឹងពីករណីនេះបានប្រាប់ Reuters ថា ឧបទ្ទវហេតុនេះបានបណ្តាលឱ្យ អ្នកបើកយន្តហោះទាំងពីរនាក់ស្លាប់ និងបានបង្កការពិនិត្យឡើងវិញយ៉ាងខ្លាំងទៅលើការគ្រប់គ្រងចរាចរណ៍អាកាសនៅសហរដ្ឋអាមេរិក។
ក្រុមអ្នកស៊ើបអង្កេតកំពុងពិនិត្យថា តើអាកាសយានដ្ឋាន LaGuardia មានមន្ត្រីគ្រប់គ្រងចរាចរណ៍អាកាសគ្រប់គ្រាន់នៅពេលកើតហេតុដែរឬទេ។ ករណីនេះក៏បានធ្វើឱ្យមានការយកចិត្តទុកដាក់ជាថ្មីចំពោះបញ្ហា កង្វះបុគ្គលិក និងការអនុវត្តការងារ ក្នុងប្រព័ន្ធគ្រប់គ្រងចរាចរណ៍អាកាសរបស់សហរដ្ឋអាមេរិក។
ការសម្រេចបណ្តេញមន្ត្រីទាំងពីរនាក់កំពុងស្ថិតក្នុងដំណើរការរបស់ FAA ខណៈការស៊ើបអង្កេតលើមូលហេតុ និងកត្តាដែលនាំទៅរកឧបទ្ទវហេតុដ៏សោកនាដកម្មនេះនៅតែបន្ត៕
