នៅថ្ងៃទី៣១ ខែសីហា ឆ្នាំ២០២៦ ស្ថានការណ៍រវាងអ៊ីរ៉ង់និងសហរដ្ឋអាមេរិកកាន់តែតានតឹង បន្ទាប់ពីអាមេរិកវាយប្រហារលើកោះLarakរបស់អ៊ីរ៉ង់។
ប្រភពពីសារព័ត៌មានAl Jazeera។
អាមេរិកបាននិយាយថា ខ្លួនវាយប្រហារឧបករណ៍បាញ់រ៉ុក្កែតចំនួន២ដែលខ្លួនជឿថា អ៊ីរ៉ង់កំពុងត្រៀមប្រើដើម្បីដាក់មីននៅច្រកសមុទ្រHormuz ដែលជាផ្លូវសមុទ្រសំខាន់សម្រាប់ការដឹកជញ្ជូនប្រេង។
ក្រោយការវាយប្រហារនេះ កងឆ្មាំបដិវត្តអ៊ីរ៉ង់ (IRGC) បានប្រកាសថា ខ្លួនបានបាញ់មីស៊ីលសំដៅទៅលើមូលដ្ឋានយោធាអាមេរិកនៅប្រទេសហ្សកដានី។ មន្ត្រីអាមេរិកបានអះអាងថា មីស៊ីលដែលអ៊ីរ៉ង់បាញ់មកត្រូវបានស្ទាក់ចាប់។
អ៊ីរ៉ង់បាននិយាយថា ការវាយប្រហាររបស់អាមេរិកលើកោះ Larak បានបណ្តាលឱ្យអ្នកប្រយុទ្ធ និងជនស៊ីវិលមួយចំនួនស្លាប់ និងរងរបួស។
ប្រធានាធិបតីអ៊ីរ៉ង់ Masoud Pezeshkian បាននិយាយថា អ៊ីរ៉ង់មិនចង់ធ្វើសង្គ្រាមទេ ប៉ុន្តែអ៊ីរ៉ង់នឹងឆ្លើយតប ប្រសិនបើត្រូវបានវាយប្រហារ។
ស្ថានការណ៍នេះកំពុងបង្កើនការព្រួយបារម្ភថា សង្គ្រាមអាចរីករាលដាលទៅប្រទេស និងតំបន់ផ្សេងទៀតនៅមជ្ឈិមបូព៌ា៕
