នៅថ្ងៃទី១ ខែកញ្ញា ឆ្នាំ២០២៦ នាយករដ្ឋមន្ត្រីនេប៉ាល់ លោក Balendra Shah បានអំពាវនាវឱ្យសហគមន៍អន្តរជាតិចាត់វិធានការបន្ថែមលើការប្រែប្រួលអាកាសធាតុ បន្ទាប់ពីទឹកជំនន់ និងបាក់ភក់ដ៏ធ្ងន់ធ្ងរនៅតំបន់ហិម៉ាឡៃ។
ប្រភពពីសារព័ត៌មានCNA។
លោក Shah បាននិយាយថា គ្រោះទឹកជំនន់នៅទន្លេ Bhote Koshi ក្នុងស្រុក Rasuwa មិនមែនជាទឹកជំនន់ធម្មតាទេ ប៉ុន្តែបណ្តាលមកពីការបាក់ធ្លាក់ព្រិល និងទឹកកកនៅតំបន់ភ្នំហិម៉ាឡៃ។
គ្រោះមហន្តរាយនេះបានបណ្តាលឱ្យមនុស្សយ៉ាងហោចណាស់ ៩៣៩ នាក់ស្លាប់ និងជិត ៤,៥០០ នាក់ទៀតបាត់ខ្លួន ខណៈការខូចខាតហេដ្ឋារចនាសម្ព័ន្ធអាចត្រូវការថវិកាស្តារឡើងវិញរាប់ពាន់លានដុល្លារ។
នាយករដ្ឋមន្ត្រីនេប៉ាល់បានលើកឡើងថា ការកើនឡើងនៃសីតុណ្ហភាពពិភពលោកកំពុងធ្វើឱ្យផ្ទាំងទឹកកកនៅតំបន់ហិម៉ាឡៃរលាយលឿន និងបង្កើនហានិភ័យនៃគ្រោះមហន្តរាយធម្មជាតិ។
លោកបានអំពាវនាវឱ្យប្រទេសនានារួមគ្នាដោះស្រាយបញ្ហាប្រែប្រួលអាកាសធាតុ និងបង្កើនការប្រុងប្រយ័ត្ន ដើម្បីការពារប្រជាជននៅតំបន់ហិម៉ាឡៃពីគ្រោះមហន្តរាយដែលអាចកើតឡើងបន្ថែមទៀត៕
