នៅថ្ងៃទី១ ខែកញ្ញា ឆ្នាំ២០២៦ NASA បានបាញ់បង្ហោះកែវយឺតអវកាសថ្មីឈ្មោះNancy Grace Roman Space Telescope ដោយប្រើរ៉ុក្កែត Falcon Heavy របស់ SpaceX ពីរដ្ឋ Florida សហរដ្ឋអាមេរិក។
ប្រភពពីសារព័ត៌មានAnadolu Agency។
កែវយឺត Roman ត្រូវបានបង្កើតឡើងដើម្បីសិក្សាអំពីអ្វីដែលអ្នកវិទ្យាសាស្ត្រនៅមិនទាន់យល់ច្បាស់ ដូចជា រូបធាតុងងឹត (Dark Matter) និង ថាមពលងងឹត (Dark Energy) ដែលមានឥទ្ធិពលយ៉ាងខ្លាំងលើចក្រវាល។
កែវយឺតRomanនេះ មានកញ្ចក់ទំហំប្រហាក់ប្រហែល Hubble ប៉ុន្តែវាអាចមើលឃើញផ្ទៃមេឃធំជាង Hubble ប្រហែល ១០០ដងក្នុងមួយលើក ហើយអាចស្ទង់មើលអវកាសបានលឿនជាង Hubble ប្រហែល ១,០០០ដង។
ក្រៅពីសិក្សាចក្រវាល Roman ក៏នឹងស្វែងរក ភពដែលស្ថិតនៅក្រៅប្រព័ន្ធព្រះអាទិត្យ ដើម្បីរកឱ្យឃើញថា តើមានភពបែបណាខ្លះនៅជុំវិញផ្កាយផ្សេងៗ។
កែវយឺតRoman នឹងធ្វើដំណើរទៅកាន់ទីតាំងមួយក្នុងអវកាស ដែលមានចម្ងាយប្រហែល ១,៥លានគីឡូម៉ែត្រពីផែនដី។ NASA រំពឹងថា វានឹងចាប់ផ្តើមផ្តល់រូបភាពវិទ្យាសាស្ត្រដំបូងនៅដើមឆ្នាំ២០២៧៕
