នៅថ្ងៃទី២ ខែកញ្ញា ឆ្នាំ២០២៦ ប្រទេសចិនបានបញ្ជូនជំនួយសង្គ្រោះបន្ទាន់មួយជើងទៀត និងអ្នកជំនាញកំណត់អត្តសញ្ញាណតាម DNA ទៅកាន់ប្រទេសនេប៉ាល់ ដើម្បីជួយដល់ការស្វែងរក និងកំណត់អត្តសញ្ញាណជនរងគ្រោះពីគ្រោះភក់បាក់ដីដ៏ធ្ងន់ធ្ងរ។
ប្រភពពីសារព័ត៌មានchina xinhua news។
យន្តហោះដឹកជញ្ជូន Y-20 របស់ចិនបានដឹកសម្ភារៈចាំបាច់ ដូចជា ដ្រូន ឧបករណ៍ និងសារធាតុសម្រាប់ធ្វើតេស្ត DNA ឧបករណ៍បន្សុទ្ធទឹក និងឧបករណ៍បំភ្លឺ ទៅដល់អាកាសយានដ្ឋានអន្តរជាតិ Tribhuvan ក្នុងទីក្រុងកាត់ម៉ាន់ឌូ កាលពីថ្ងៃទី១ ខែកញ្ញា។
ជាមួយគ្នានេះ អ្នកជំនាញកំណត់អត្តសញ្ញាណតាម DNA ចំនួន៥នាក់ ដែលជាក្រុមអ្នកជំនាញចិនទី៣ ត្រូវបានបញ្ជូនទៅជួយអាជ្ញាធរនេប៉ាល់នៅតំបន់រងគ្រោះភ្លាមៗបន្ទាប់ពីមកដល់។
ចិនបានបញ្ជូនជំនួយជើងទីមួយទៅនេប៉ាល់កាលពីថ្ងៃអាទិត្យ។ តាមអាជ្ញាធរនេប៉ាល់ គិតត្រឹមថ្ងៃអង្គារ ចំនួនអ្នកស្លាប់ដោយសារភក់បាក់ដីបានកើនដល់ ១,០៦៨នាក់ ខណៈមនុស្ស ៤,៦០៦នាក់ទៀតកំពុងបាត់ខ្លួន៕
