ទីភ្នាក់ងារអវកាសអឺរ៉ុប (ESA) កំពុងពិចារណាបង្កើនចំនួនការបាញ់រ៉ុក្កែតAriane 6 និងVega-C ក្នុងប៉ុន្មានឆ្នាំខាងមុខ ដោយសារតម្រូវការបាញ់ផ្កាយរណបទៅអវកាសកំពុងកើនឡើងយ៉ាងខ្លាំង។
ប្រភពពីសារព័ត៌មានReuter នៅថ្ងៃទី៣ខែកញ្ញា។
លោក Josef Aschbacher ប្រធាន ESA បាននិយាយថា តម្រូវការបាញ់ផ្កាយរណបអាចកើនដល់កម្រិតខ្ពស់បំផុតនៅប្រហែលឆ្នាំ 2030។ ប្រសិនបើការព្យាករណ៍នេះត្រឹមត្រូវ អឺរ៉ុបត្រូវសម្រេចចិត្តក្នុងពេលឆាប់ៗថា តើត្រូវបង្កើនសមត្ថភាពបាញ់រ៉ុក្កែតឬទេ។
បច្ចុប្បន្ន ក្រុមហ៊ុន Arianespace គ្រោងនឹងបាញ់ Ariane 6 ប្រហែល ៩–១០ ដងក្នុងមួយឆ្នាំ ចាប់ពីឆ្នាំ ២០២៧។ ប៉ុន្តែ ESA បារម្ភថា ចំនួននេះអាចមិនគ្រប់គ្រាន់ ប្រសិនបើមានបេសកកម្មរបស់អឺរ៉ុបកើនឡើង និងមានតម្រូវការពីក្រុមហ៊ុនឯកជនបន្ថែម។
ក្រុមហ៊ុន Amazon ក៏បានកក់ការបាញ់រ៉ុក្កែតចំនួន ១៨ លើក រួចហើយ ដើម្បីបញ្ជូនផ្កាយរណបរបស់ខ្លួនទៅអវកាស៕
