យោធាសហរដ្ឋអាមេរិកប្រកាសថា ខ្លួនបានបញ្ចប់ការវាយប្រហារថ្មីលើប្រទេសអ៊ីរ៉ង់ កាលពីថ្ងៃអង្គារ ខណៈជម្លោះរវាងប្រទេសទាំងពីរកាន់តែធ្ងន់ធ្ងរ។
ប្រភពពីសារព័ត៌មានReuter នៅថ្ងៃទី៣ខែកញ្ញា។
យោងតាមបញ្ជាការដ្ឋានកណ្តាលអាមេរិក ការវាយប្រហារបានផ្តោតលើទីតាំងរបស់កងឆ្មាំបដិវត្តន៍អ៊ីស្លាម (IRGC) រួមមានប្រព័ន្ធការពារដែនអាកាស រ៉ាដា ទីតាំងទំនាក់ទំនង និងសមត្ថភាពដាក់មីននៅតំបន់សមុទ្រ។
ជាការឆ្លើយតប អ៊ីរ៉ង់បានវាយប្រហារទៅលើគោលដៅរបស់អាមេរិកនៅប្រទេសហ្ស៊កដានី បារ៉ែន និងអ៊ីរ៉ាក់។ ការប្រឈមមុខគ្នានេះបានកើតឡើងបន្ទាប់ពីមានការបាញ់ប្រហារគ្នានៅចុងសប្តាហ៍ និងការវាយប្រហារលើនាវាដឹកប្រេងនៅជិតច្រកសមុទ្រ Hormuz។
សូមបញ្ជាក់ថា៖ ច្រកសមុទ្រ Hormuz គឺជាផ្លូវសមុទ្រដ៏សំខាន់សម្រាប់ការដឹកជញ្ជូនប្រេងទៅកាន់ទីផ្សារពិភពលោក។ ការបិទ ឬរំខានដល់ការដឹកជញ្ជូននៅតំបន់នេះបានធ្វើឱ្យតម្លៃថាមពលពិភពលោកកើនឡើង និងបង្កការព្រួយបារម្ភថា ជម្លោះអាចរីករាលដាលកាន់តែធំ។
ស្ថានការណ៍បច្ចុប្បន្នត្រូវបានគេចាត់ទុកថា ជាការកើនឡើងនៃភាពតានតឹងដ៏ធ្ងន់ធ្ងរបំផុតរវាងអាមេរិក និងអ៊ីរ៉ង់ក្នុងរយៈពេលប៉ុន្មានសប្តាហ៍ចុងក្រោយនេះ៕
