ប្រធានាធិបតីអាមេរិក លោកដូណាល់ ត្រាំ បាននិយាយថា សហរដ្ឋអាមេរិកកំពុងប្រឈមមុខជាមួយអ៊ីរ៉ង់ ដើម្បីការពារ អ៊ីស្រាអែល មជ្ឈិមបូព៌ា និងប្រទេសលោកខាងលិច ពីការវាយប្រហារដែលអាចកើតមាននៅពេលអនាគត។
ប្រភពពីសារព័ត៌មានAnadolu Agency នៅថ្ងៃទី៣ខែកញ្ញា។
លោកTrump អះអាងថា ប្រសិនបើអ៊ីរ៉ង់ទទួលបានជ័យជម្នះ និងអាចបំផ្លាញអ៊ីស្រាអែលបាន នោះអ៊ីរ៉ង់អាចបន្តគំរាមកំហែងដល់អឺរ៉ុប និងទីក្រុងមួយចំនួនរបស់សហរដ្ឋអាមេរិក។ លោកក៏បាននិយាយថា សហរដ្ឋអាមេរិកកំពុង “ធ្វើបានល្អណាស់” ក្នុងការប្រឈមមុខជាមួយអ៊ីរ៉ង់។
បន្ថែមពីនេះលោកTrump ក៏បានធានាដល់ប្រជាជនអ៊ីស្រាអែលថា ពួកគេមិនគួរព្រួយបារម្ភអំពីស្ថានការណ៍ជាមួយអ៊ីរ៉ង់ទេ ដោយលោកនិយាយថា ក្នុងនាមជាប្រធានាធិបតី លោកនឹង ទទួលខុសត្រូវការពារអ៊ីស្រាអែល។
សូមបញ្ជាក់ថា៖ ការលើកឡើងនេះធ្វើឡើង ខណៈការប្រយុទ្ធរវាងអាមេរិក និងអ៊ីរ៉ង់បានផ្ទុះឡើងវិញ បន្ទាប់ពីស្ថានការណ៍ស្ងប់ស្ងាត់ប្រមាណមួយខែ។ កាលពីចុងសប្តាហ៍ អាមេរិកបានវាយប្រហារទីតាំងបាញ់រ៉ុក្កែតនៅកោះ Larak របស់អ៊ីរ៉ង់ ខណៈអ៊ីរ៉ង់បានឆ្លើយតបដោយបាញ់មីស៊ីលទៅកាន់ ហ្ស៊កដានី និងអេមីរ៉ាតអារ៉ាប់រួម៕
