ប្រទេសនេប៉ាល់គ្រោងសាងសង់ប្រព័ន្ធព្រមានគ្រោះមហន្តរាយឡើងវិញនៅតំបន់ព្រំដែនជាមួយប្រទេសចិន បន្ទាប់ពីទឹកជំនន់ និងការបាក់ដីធ្ងន់ធ្ងរ ដែលបានសម្លាប់មនុស្សយ៉ាងហោចណាស់ ១,១១៤នាក និងមនុស្សជិត៤,០០០នាក់កំពុងបាត់ខ្លួន។
ប្រភពពីសារព៏ត៌មានReuter នៅថ្ងៃទី៣ខែកញ្ញា។
រដ្ឋាភិបាលនេប៉ាល់គ្រោងដំឡើង ឧបករណ៍ចាប់សញ្ញារញ្ជួយដី កាមេរ៉ា និងប្រព័ន្ធទំនាក់ទំនងតាមផ្កាយរណប នៅតំបន់ Timure ក្នុងស្រុក Rasuwa ដែលស្ថិតនៅជាប់ព្រំដែនចិន។
ប្រព័ន្ធថ្មីនេះមានគោលបំណង ជូនដំណឹងឱ្យប្រជាជនបានទាន់ពេល ប្រសិនបើមានទឹកជំនន់ភ្លាមៗ ការបាក់ដី ឬគ្រោះថ្នាក់ផ្សេងៗនៅតំបន់ភ្នំ។
សូមបញ្ជាក់ថា៖ គ្រោះមហន្តរាយកាលពីសប្តាហ៍មុន ត្រូវបានបង្កឡើងដោយការបាក់ផ្ទាំងទឹកកក ដែលធ្វើឱ្យទឹក ភក់ និងថ្មហូរចុះពីតំបន់ភ្នំយ៉ាងខ្លាំង បណ្តាលឱ្យមានការខូចខាតធ្ងន់ធ្ងរ និងបាត់បង់ជីវិតមនុស្សជាច្រើន។
នេះគឺជាជំហានដំបូងរបស់នេប៉ាល់ ក្នុងការពង្រឹងប្រព័ន្ធព្រមានជាមុន ដើម្បីកាត់បន្ថយការបាត់បង់ជីវិតនៅពេលមានគ្រោះមហន្តរាយស្រដៀងគ្នានេះកើតឡើងម្តងទៀត៕
