នៅថ្ងៃទី៤ ខែកញ្ញា ឆ្នាំ២០២៦ អាជ្ញាធរនេប៉ាល់បានឱ្យដឹងថា ទឹកជំនន់ដ៏ធ្ងន់ធ្ងរកាលពីសប្តាហ៍មុន បានបង្កការខូចខាតដល់ផ្ទះសម្បែង អគារ និងហេដ្ឋារចនាសម្ព័ន្ធ ដែលមានតម្លៃយ៉ាងហោចណាស់២.៥៦ ពាន់លានដុល្លារ។
ប្រភពពីសារព័ត៌មានAl Jazeera។
រដ្ឋាភិបាលនេប៉ាល់ក៏បានប៉ាន់ប្រមាណថា ត្រូវការថវិកាប្រមាណ ៥២.៦ លានដុល្លារ ក្នុងរយៈពេល ៤ខែដំបូង ដើម្បីស្តារផ្លូវ ជម្រកបណ្តោះអាសន្ន ប្រព័ន្ធអគ្គិសនី និងផ្គត់ផ្គង់ទឹកស្អាត។
គ្រោះមហន្តរាយនេះបានបំផ្លាញផ្ទះប្រមាណ ២០,០០០ខ្នង ក្នុងនោះប្រហែល ៧,៥០០ខ្នងត្រូវបានបំផ្លាញទាំងស្រុង។ រដ្ឋាភិបាលកំពុងបន្តវាយតម្លៃការខូចខាត និងរៀបចំផែនការស្តារឡើងវិញ៕
