នៅថ្ងៃទី៤ ខែកញ្ញា ឆ្នាំ២០២៦ ការផ្ទុះមួយបានកើតឡើងនៅពិធីមង្គលការមួយក្នុងទីក្រុង Kuhestak ភាគខាងត្បូងប្រទេសអ៊ីរ៉ង់ កាលពីថ្ងៃអង្គារ បណ្តាលឱ្យមនុស្ស៤នាក់ស្លាប់និងយ៉ាងហោចណាស់៦៨នាក់រងរបួស។
ប្រភពពីសារព័ត៌មានReuter។
ការវិភាគរបស់អ្នកជំនាញផ្នែកអាវុធលើរូបភាព និងវីដេអូដែលត្រូវបានផ្ទៀងផ្ទាត់ដោយReuters បង្ហាញថា ការផ្ទុះនេះទំនងជាបណ្តាលមកពី គ្រាប់រំសេវរបស់អាមេរិកដែលបាញ់ត្រូវទីតាំងដោយផ្ទាល់ មិនមែនជាគ្រាប់ដែលបានប៉ះទង្គិច ឬផ្លាតចេញពីគោលដៅផ្សេងទៀតឡើយ។
ហេតុការណ៍នេះបានបង្កើនការព្រួយបារម្ភជាថ្មីអំពីចំនួនជនស៊ីវិលដែលរងផលប៉ះពាល់ពីសង្គ្រាមរវាងអាមេរិក និងអ៊ីរ៉ង់។ មុននេះ ការវាយប្រហារមួយលើសាលាបឋមសិក្សានៅអ៊ីរ៉ង់កាលពីខែកុម្ភៈ ក៏បានបណ្តាលឱ្យកុមារ និងគ្រូបង្រៀនជាច្រើននាក់ស្លាប់ផងដែរ។
សូមបញ្ជាក់ថា៖ យោធាអាមេរិកបាននិយាយថា ខ្លួនបានធ្វើការវាយប្រហារជាច្រើននៅភាគខាងត្បូងអ៊ីរ៉ង់ កាលពីថ្ងៃទី១ ខែកញ្ញា ដោយកំណត់គោលដៅលើប្រព័ន្ធការពារដែនអាកាស រ៉ាដា និងប្រព័ន្ធទំនាក់ទំនងរបស់កងឆ្មាំបដិវត្តន៍អ៊ីរ៉ង់៕
