នៅថ្ងៃទី៤ ខែកញ្ញា ឆ្នាំ២០២៦ តម្លៃប្រេងម៉ាស៊ូតនៅសហរដ្ឋអាមេរិកបានឡើងដល់កម្រិតខ្ពស់បំផុត ដោយសារការប្រយុទ្ធកាន់តែខ្លាំងរវាងអាមេរិក និងអ៊ីរ៉ង់ និងការរំខានដល់ការផ្គត់ផ្គង់ប្រេងនៅទូទាំងពិភពលោក។
ប្រភពពីសារព័ត៌មានReuter។
តាមGasBuddy តម្លៃម៉ាស៊ូតជាមធ្យមបានឡើងដល់៥.៨២០ ដុល្លារក្នុងមួយហ្គាឡុង ខ្ពស់ជាងកំណត់ត្រាចាស់ ៥.៨១៩ ដុល្លារ ដែលកើតឡើងកាលពីខែមិថុនា ឆ្នាំ២០២២។
អ្នកវិភាគព្រមានថា តម្លៃអាចបន្តឡើងថែមទៀត ដោយសារតម្រូវការម៉ាស៊ូតកើនឡើងនៅរដូវប្រមូលផលកសិកម្ម និងការត្រៀមសម្រាប់រដូវរងា។ ការវាយប្រហាររបស់អ៊ុយក្រែនលើរោងចក្រចម្រាញ់ប្រេងរបស់រុស្ស៊ី ក៏បានធ្វើឱ្យការផ្គត់ផ្គង់ប្រេងម៉ាស៊ូតកាន់តែតឹងតែងផងដែរ។
តម្លៃម៉ាស៊ូតកើនឡើងអាចប៉ះពាល់ដល់សេដ្ឋកិច្ចទាំងមូល ព្រោះវាត្រូវបានប្រើប្រាស់យ៉ាងច្រើនក្នុងការដឹកជញ្ជូន កសិកម្ម និងឧស្សាហកម្ម ហើយអាចធ្វើឱ្យ ថ្លៃដឹកជញ្ជូន និងតម្លៃម្ហូបអាហារកើនឡើង៕
