នៅថ្ងៃទី៤ ខែកញ្ញា ឆ្នាំ២០២៦ រដ្ឋាភិបាលកូរ៉េខាងត្បូងកំពុងពិនិត្យជម្រើសផ្សេងៗ រួមទាំងការបញ្ជូនកម្លាំងយោធា ដើម្បីចូលរួមការពារសេរីភាពនៃការធ្វើនាវាចរណ៍នៅច្រកសមុទ្រ Hormuz ប៉ុន្តែរដ្ឋាភិបាលបានបញ្ជាក់ថា មិនទាន់មានការសម្រេចចិត្តណាមួយនៅឡើយទេ។
ប្រភពពីសារព័ត៌មានReuter។
ជម្រើសដែលកំពុងពិចារណា អាចរួមមាន យន្តហោះល្បាតសមុទ្រ នាវាគាំទ្រផ្នែកដឹកជញ្ជូន និងក្រុមស្វែងរក–កម្ទេចមីនក្នុងសមុទ្រ។ កូរ៉េខាងត្បូងក៏កំពុងពិភាក្សាជាមួយសហរដ្ឋអាមេរិក អង់គ្លេស និងបារាំងអំពីវិធីចូលរួមផងដែរ។
មន្ត្រីកូរ៉េខាងត្បូងបានបញ្ជាក់ថា ការសម្រេចចិត្តត្រូវពិចារណាលើច្បាប់ក្នុងប្រទេស កម្រិតត្រៀមខ្លួនរបស់យោធា និងត្រូវការការអនុម័តពីសភា ប្រសិនបើមានការបញ្ជូនកងទ័ពទៅក្រៅប្រទេស។
សូមបញ្ជាក់ថា៖ ច្រកសមុទ្រ Hormuz មានសារៈសំខាន់ខ្លាំងចំពោះសេដ្ឋកិច្ចកូរ៉េខាងត្បូង ព្រោះកាលពីឆ្នាំមុន ប្រទេសនេះបានពឹងផ្អែកលើច្រកនេះសម្រាប់ ៦១% នៃការនាំចូលប្រេងឆៅ និង ៥៤% នៃការនាំចូល naphtha៕
