នៅថ្ងៃទី៣ ខែកញ្ញា ឆ្នាំ២០២៦ ប្រទេសស៊ីរីបានចាប់ផ្តើមបំផ្លាញសំណល់អាវុធគីមីពីសម័យអតីតប្រធានាធិបតី បាស្ហារ អាល់–អាសាដ ដែលត្រូវបានរកឃើញកាលពីខែឧសភា។ នេះជាលើកដំបូងក្នុងរយៈពេលប្រហែល១០ឆ្នាំ ដែលមានការបំផ្លាញអាវុធគីមីនៅក្នុងប្រទេសស៊ីរី។
ប្រភពពីសារព័ត៌មានReuter។
អង្គការហាមឃាត់អាវុធគីមី (OPCW) បានបញ្ជាក់ថា ខ្លួនបានផ្ទៀងផ្ទាត់ការបំផ្លាញគ្រាប់អាវុធគីមីនៅស៊ីរីជាលើកដំបូង ចាប់តាំងពីឆ្នាំ២០១៤។
ក្រោយការរកឃើញកាលពីខែឧសភា អាជ្ញាធរស៊ីរីបានរកឃើញបន្ថែមនូវ រោងចក្រផលិតអាវុធគីមីមួយកន្លែង សារធាតុគីមីដែលអាចប្រើផលិតភ្នាក់ងារប្រសាទ និងគ្រាប់អាវុធគីមីទទេ ព្រមទាំងទីតាំងស្តុកអាវុធគីមីចំនួន ២កន្លែង។
ការបំផ្លាញនេះត្រូវបានមើលឃើញថា ជាជំហានសំខាន់របស់ស៊ីរីក្នុងការលុបបំបាត់សំណល់កម្មវិធីអាវុធគីមីពីរបបអាសាដ និងការពារកុំឱ្យអាវុធប្រភេទនេះត្រូវបានយកទៅប្រើប្រាស់ឡើងវិញ៕
