(ភ្នំពេញ)៖ ក្រោយល្បីពេញបណ្ដាញសង្គម ករណីតុលាការខេត្តស្ទឹងត្រែង ចាប់មនុស្សច្រឡំ.ដោយសារឈ្មោះស្រដៀងគ្នា យកមកដាក់គុកជិត១ឆ្នាំទាំងគ្មានកំហុស..!!។
ឥឡូវសាលាដំបូងខេត្តស្ទឹងត្រែង ចេញមកអះអាងថា ខ្លួនអនុវត្តនីតិវិធីយ៉ាងត្រឹមត្រូវ.ពុំបានចាប់មនុស្សច្រឡំនោះទេ!។
ដោយនៅថ្ងៃទី០៤.០៩.២០២៦ លោក ឯម ច័ន្ទមករា អ្នកនាំពាក្យក្រសួងយុត្តិធម៌ លើកឡើងថា ករណីនេះ មិនមែនជារឿង”ចាប់ច្រឡំមនុស្ស”នោះទេ បើផ្អែកតាមរបាយការណ៍របស់សាលាដំបូងខេត្តស្ទឹងត្រែង ដែលក្រសួងយុត្តិធម៌ទទួលបាននៅថ្ងៃនេះ គឺគ្រប់នីតិវិធីច្បាប់ត្រូវបានអនុវត្តយ៉ាងត្រឹមត្រូវ។
*សំណួរសួរថា បើតុលាការអនុវត្តនីតិវិធីយ៉ាងត្រឹមត្រូវ.!?។
*ចុះហេតុអ្វីបានជា.ចាប់ឃុំខ្លួនលោក ស្លេះ ហ្វឺត ជិត១ឆ្នាំ រួចដោះលែងវិញ! ដោយសារពុំមានភស្តុតាងគ្រប់គ្រាន់ ដើម្បីដាក់បន្ទុកនិងផ្តន្ទាទោស….!!។
*ខណៈឈ្មោះ ស្លេះ ហ្វឺត អាយុ៥៦ឆ្នាំ ជនជាតិខ្មែរ-ឥស្លាម នៅភូមិស្រែពោធិ៍ សង្កាត់ស្រះឬស្សី ក្រុងស្ទឹងត្រែង ខេត្តស្ទឹងត្រែង ដើរប្ដឹងស្ទើរតែគ្រប់កន្លែង.!។
ដោយអះអាងថា កាលពីថ្ងៃទី០៦ ខែតុលា ឆ្នាំ២០២៥ ខ្លួនត្រូវបានកម្លាំងនគរបាលចុះមកចាប់ដល់ផ្ទះ ទាំងដែលមិនដឹងរឿងអ្វីសោះ! ហើយពេលនោះសមត្ថកិច្ចប្រាប់ថា អនុវត្តតាមដីកាចាប់ខ្លួនរបស់ចៅក្រមស៊ើបសួរ.!។
ពីបទ៖ កាប់គាស់ រុករាន ឆ្ការដុត និងឈូសឆាយ ដីព្រៃដើម្បីយកដីធ្វើជាកម្មសិទ្ធិ ប្រព្រឹត្តនៅចំណុច ឧទ្យានជាតិរើនសៃ-សៀមប៉ាង ខេត្តស្ទឹងត្រែង។
*បើតាមលោក ស្លេះ ហ្វឺត អ្នកដែលកាប់គាស់រុករានឈូសឆាយដីព្រៃជាក់ស្ដែងនោះ។
គឺឈ្មោះ ស្លេះ វ៉ើត ភេទប្រុសអាយុ ៤៧ឆ្នាំ នៅភូមិស្រែសង្គន់ សង្កាត់ស្រះឫស្សី ក្រុងស្ទឹងត្រែង ខេត្តស្ទឹងត្រែង។
ពោលគឺអ្នកទាំង២នាក់មានឈ្មោះស្រដៀងគ្នា ប៉ុន្តែខុសឈ្មោះអក្សរ អាយុ.ប្រពន្ធនិងឪពុកម្ដាយ.!។
*លោក ស្លេះ ហ្វឺត បញ្ជាក់ថា ពេលសមត្ថកិច្ចចាប់ខ្លួនរូបគាត់នោះ គឺលោកនិងក្រុមគ្រួសារបានប្រាប់ថា ចាប់មនុស្សច្រឡំហើយ។
មនុស្សដែលចាប់នេះឈ្មោះ ស្លេះ ហ្វឺត ពុំមែនឈ្មោះ ស្លេះ វ៉ើត នោះទេ។
ប៉ុន្តែ គេមិនស្តាប់ឡើយដោយបន្តបញ្ជូន
លោក ស្លេះ ហ្វឺត ទៅតុលាការ.ក្នុងនោះចៅក្រមស៊ើបសួរ ក៏បានសម្រេចឃុំខ្លួនលោក ស្លេះ ហ្វឺត ទៀតផង។
*លុះថ្មីៗនេះក្រុមគ្រួសារលោក ស្លេះ ហ្វឺត ស្នើឱ្យសារព័ត៌មាន.ជួយផ្សព្វផ្សាយអំពីដំណើររឿងខាងលើ..!។
ស្រាប់តែ ចៅក្រមជម្រះនៃសាលាដំបូងខេត្តស្ទឹងត្រែង បានសម្រេចដោះលែងលោក ស្លេះ ហ្វឺត និងឱ្យរូបលោករួចផុតពីការចោទប្រកាន់.!។
ក្រោយរងការឃុំខ្លួនជិត១ឆ្នាំទាំងគ្មានបទល្មើសបែបនេះលោក ស្លេះ ហ្វឺត ក៏បានធ្វើពាក្យបណ្ដឹង ប្ដឹងសមត្ថកិច្ចប៉ូលីសដែលបានចាប់ខ្លួនរូបលោក.ព្រះរាជអាជ្ញា.ចៅក្រមពាក់ព័ន្ធដើម្បីទាមទាររកយុត្តិធម៌.លើការខាតបង់កិត្តិយស សេចក្ដីថ្លៃថ្នូរសម្រាប់ខ្លួននិងក្រុមគ្រួសារ៕
