មេដឹកនាំគណបក្សប្រឆាំងអ៊ីស្រាអែល លោក Avigdor Liberman បាននិយាយថា នាយករដ្ឋមន្ត្រី Benjamin Netanyahu គួរតែចាកចេញពីតំណែង ព្រោះលោកយល់ថា រដ្ឋាភិបាលរបស់ Netanyahu ត្រូវទទួលខុសត្រូវចំពោះការបរាជ័យដែលកើតឡើងនៅថ្ងៃទី៧ ខែតុលា ឆ្នាំ២០២៣។
ប្រភពពីសារព័ត៌មានAnadolu Agency នៅថ្ងៃទី១៨ខែកញ្ញា។
នៅថ្ងៃនោះ ក្រុមហាម៉ាសបានវាយប្រហារតំបន់អ៊ីស្រាអែលជិតព្រំដែនហ្គាហ្សា ដោយមានជនជាតិអ៊ីស្រាអែលស្លាប់ និងត្រូវចាប់ជាចំណាប់ខ្មាំងជាច្រើននាក់។
លោក Liberman បាននិយាយថា អ្នកនយោបាយដែលជាសមាជិករដ្ឋាភិបាលនៅពេលកើតហេតុ ហើយមិនព្រមទទួលខុសត្រូវ ឬមិនគាំទ្រការស៊ើបអង្កេត គួរតែមិនចូលរួមក្នុងរដ្ឋាភិបាលថ្មីបន្ទាប់ពីការបោះឆ្នោត។
លោក Netanyahu មិនទទួលយកការចោទប្រកាន់ថាលោកទទួលខុសត្រូវចំពោះការវាយប្រហារនោះទេ។ ចំណែកគណបក្សប្រឆាំងវិញ ចង់ឱ្យមានការស៊ើបអង្កេតឯករាជ្យ ដើម្បីរកឱ្យឃើញថា តើអ្នកណាខ្លះមានកំហុស និងហេតុអ្វីបានជាអ៊ីស្រាអែលមិនអាចទប់ស្កាត់ការវាយប្រហារបាន។
សូមបញ្ជាក់ថា៖ អ៊ីស្រាអែលនឹងរៀបចំការបោះឆ្នោតសកលនៅថ្ងៃទី២៧ ខែតុលា ឆ្នាំ២០២៦៕
