ក្រុមហ៊ុនLockheed Martinរបស់អាមេរិក បានទទួលការដឹកជញ្ជូនគ្រឿងបន្លាស់សំខាន់ៗដំបូងពីក្រុមហ៊ុន General Motors (GM) សម្រាប់ផលិតមីស៊ីលស្ទាក់ចាប់ Patriot។
ប្រភពពីសារព័ត៌មានReuter នៅថ្ងៃទី១៨ខែកញ្ញា។
ការដឹកជញ្ជូននេះកើតឡើង មិនដល់មួយខែផង បន្ទាប់ពី Lockheed Martin និង GM បានព្រមព្រៀងសហការផលិតគ្រឿងបន្លាស់សម្រាប់ប្រព័ន្ធ Patriot។
កិច្ចសហការនេះមានគោលបំណងជួយឱ្យអាមេរិក បង្កើនល្បឿនផលិតអាវុធ ដោយសារតម្រូវការប្រព័ន្ធការពារដែនអាកាស Patriot កំពុងកើនឡើង។ ប្រព័ន្ធនេះត្រូវបានប្រើប្រាស់ និងត្រូវការខ្លាំងក្នុងសង្គ្រាមអ៊ុយក្រែន និងជម្លោះអាមេរិក–អ៊ីស្រាអែលជាមួយអ៊ីរ៉ង់៕
