រដ្ឋាភិបាលអាមេរិក គ្រោងប្រកាសនៅថ្ងៃចន្ទថា នឹង បន្ថយស្តង់ដារសន្សំសំចៃប្រេងសម្រាប់រថយន្តថ្មី រហូតដល់ឆ្នាំ២០៣១។ វាជាការផ្លាស់ប្តូរពីគោលនយោបាយរបស់អតីតប្រធានាធិបតី Joe Biden ដែលបានជំរុញឱ្យក្រុមហ៊ុនផលិតរថយន្តបង្កើនការផលិតរថយន្តអគ្គិសនី។
ប្រភពពីសារព័ត៌មានReuter នៅថ្ងៃទី២៧ខែកញ្ញា។
ប្រធានាធិបតី Donald Trump បាននិយាយថា ច្បាប់ថ្មីនេះនឹងជួយ បន្ថយតម្លៃរថយន្តថ្មី។ រដ្ឋមន្ត្រីដឹកជញ្ជូនអាមេរិក Sean Duffy ក៏បានហៅវាថា ជាការផ្លាស់ប្តូរដ៏សំខាន់សម្រាប់កម្មករឧស្សាហកម្មរថយន្ត។
ប៉ុន្តែតាមការប៉ាន់ស្មានរបស់ក្រសួងដឹកជញ្ជូនអាមេរិកផ្ទាល់ ការបន្ថយស្តង់ដារនេះមានន័យថា រថយន្តនឹងប្រើប្រាស់ប្រេងកាន់តែច្រើន ហើយអាចបង្កើនការបញ្ចេញឧស្ម័នកាបូនឌីអុកស៊ីតក្នុងរយៈពេលជាច្រើនទសវត្សរ៍ខាងមុខ។
ក្រោមរដ្ឋាភិបាល Biden ក្រុមហ៊ុនផលិតរថយន្តត្រូវបានតម្រូវឱ្យបង្កើនប្រសិទ្ធភាពស៊ីប្រេងរថយន្តជាបន្តបន្ទាប់ ដើម្បីកាត់បន្ថយការប្រើប្រាស់ប្រេង និងជំរុញការផលិតរថយន្តអគ្គិសនី៕
