រដ្ឋមន្ត្រីការបរទេសរុស្ស៊ី លោក សឺហ្គេ ឡាវរ៉ូវ និងរដ្ឋមន្ត្រីការបរទេសអាល្លឺម៉ង់ លោក Johann Wadephul បានជួបពិភាក្សាគ្នានៅទីក្រុងញូវយ៉ក កាលពីថ្ងៃទី២៦ ខែកញ្ញា នៅក្រៅកិច្ចប្រជុំមហាសន្និបាតអង្គការសហប្រជាជាតិ។
ប្រភពពីសារព័ត៌មានCNN នៅថ្ងៃទី២៧ខែកញ្ញា។
នេះជាការជួបផ្លូវការលើកដំបូងរវាងរដ្ឋមន្ត្រីការបរទេសនៃប្រទេសទាំងពីរ ចាប់តាំងពីមុនរុស្ស៊ីចាប់ផ្តើមការឈ្លានពានអ៊ុយក្រែនក្នុងឆ្នាំ២០២២។
ទំនាក់ទំនងរវាងរុស្ស៊ី និងអាល្លឺម៉ង់បានធ្លាក់ចុះយ៉ាងខ្លាំង ដោយអាល្លឺម៉ង់ជាសម្ព័ន្ធមិត្តសំខាន់របស់អ៊ុយក្រែន។ ភាពតានតឹងក៏កាន់តែខ្លាំងឡើង បន្ទាប់ពីមានហេតុការណ៍ពាក់ព័ន្ធនឹងដ្រូននៅអាកាសយានដ្ឋាន Leipzig/Halle ភាគខាងកើតប្រទេសអាល្លឺម៉ង់ កាលពីខែសីហា។
ការជួបនេះត្រូវបានធ្វើឡើងក្នុងអំឡុងពេលប្រទេសជាច្រើនកំពុងជួបប្រជុំគ្នានៅអង្គការសហប្រជាជាតិ ដើម្បីពិភាក្សាអំពីបញ្ហាអន្តរជាតិ រួមទាំងសង្គ្រាមនៅអ៊ុយក្រែន៕
