ទិន្នន័យរដ្ឋាភិបាលនៅថ្ងៃចន្ទ ទី២៨ ខែកញ្ញា ឆ្នាំ២០២៦ បានឱ្យដឹងថា ចំនួនអ្នកឆ្លងជំងឺអេបូឡា នៅសាធារណៈរដ្ឋប្រជាធិបតេយ្យកុងហ្គោ បានកើនឡើងលើសពី ៨.០០០ករណី ជាលើកដំបូង។
សារព័ត៌មាន Reuters។
របាយការណ៍ស្តីស្ថានភាពថ្មីចុងក្រោយបង្អស់ពីវិទ្យាស្ថានសុខភាពសាធារណៈកុងហ្គោ បង្ហាញថា ចំនួនករណីឆ្លងមាន ៨.០៦៧ករណី និងអ្នកស្លាប់មាន ៣ ៩០១នាក់។
ការផ្ទុះដែលបង្កឡើងដោយមេរោគអេបូឡាប្រភេទ Bundibugyo បានបង្កជាបញ្ហាធ្ងន់ធ្ងរបំផុត ក្នុងប្រវត្តិសាស្ត្រកុងហ្គោ បន្ទាប់ពីចំនួនអ្នកឆ្លងមានច្រើនជាងការផ្ទុះឡើងនៅឆ្នាំ ២០១៨-២០២០។
អត្រាឆ្លងនេះ ស្ថិតនៅលំដាប់ទីពីរ បន្ទាប់ពីការផ្ទុះឡើងនៃជំងឺនៅអាហ្វ្រិកខាងលិចក្នុងឆ្នាំ២០១៤-២០១៦ ដែលបានឆ្លងទៅលើ មនុស្សច្រើនជាង២៨.៦០០នាក់ និងបណ្តាលឱ្យមនុស្សជាង១១.០០០នាក់ស្លាប់នៅក្នុងប្រទេសហ្គីណេ ប្រទេសលីបេរីយ៉ា និងប្រទេសសៀរ៉ាឡេអូនផងដែរ៕
