តម្លៃប្រេងពិភពលោកបានឡើងខ្លាំងនៅថ្ងៃទី២៨ ខែកញ្ញា បន្ទាប់ពីប្រធានាធិបតីអាមេរិក Donald Trump បដិសេធសំណើរបស់អ៊ីរ៉ង់ ដែលចង់បើកច្រកសមុទ្រHormuz ឡើងវិញក្នុងរយៈពេល៧ថ្ងៃ។
ប្រភពពីសារព័ត៌មានAl Jazeera។
តម្លៃប្រេង Brent បានកើនជាង ៣% ឡើងដល់ជាង ១០៧ដុល្លារ ក្នុងមួយបារ៉ែល ហើយនៅពេលមួយជិតដល់ ១០៨ដុល្លារ។
អ៊ីរ៉ង់បានស្នើឱ្យអាមេរិកដោះលែងប្រាក់អ៊ីរ៉ង់ដែលត្រូវបានបង្កក បន្ធូរឬដកទណ្ឌកម្ម និងបញ្ចប់ការបិទផ្លូវសមុទ្រទៅកាន់កំពង់ផែអ៊ីរ៉ង់។ ជាថ្នូរ អ៊ីរ៉ង់នឹងបើកច្រក Hormuz និងត្រឡប់ទៅចរចាអំពីកម្មវិធីនុយក្លេអ៊ែរ។
លោក Trump បាននិយាយថា សំណើនេះមិនអាចទទួលយកបានទេ។ ការបដិសេធនេះបានបង្កការព្រួយបារម្ភថា ការដឹកជញ្ជូនប្រេងតាមច្រក Hormuz អាចនៅតែមានការរំខាន។
មុនសង្គ្រាម ច្រក Hormuz មានប្រេងប្រហែល ១ភាគ៥ នៃការផ្គត់ផ្គង់ប្រេងពិភពលោក ឆ្លងកាត់ ដូច្នេះភាពតានតឹងនៅតំបន់នេះអាចប៉ះពាល់ដល់តម្លៃប្រេងនៅទូទាំងពិភពលោក៕
