អ៊ីរ៉ង់បានព្រមានពីផលប៉ះពាល់ដែលអាចកើតឡើង បន្ទាប់ពីនាយករដ្ឋមន្ត្រីអ៊ីស្រាអែល Benjamin Netanyahu ទៅបំពេញទស្សនកិច្ចនៅប្រទេសអេមីរ៉ាតអារ៉ាប់រួម (UAE) កាលពីថ្ងៃទី២៧ ខែកញ្ញា។
ប្រភពពីសារព័ត៌មានAA news នៅថ្ងៃទី៣០ខែកញ្ញា។
ក្រសួងការបរទេសអ៊ីរ៉ង់បានរិះគន់ដំណើរទស្សនកិច្ចនេះ ដោយនិយាយថា វាកើតឡើងនៅពេលមានភាពតានតឹងខ្លាំងក្នុងតំបន់ ដោយសារការវាយប្រហាររបស់អ៊ីស្រាអែលលើអ៊ីរ៉ង់ និងស្ថានការណ៍នៅប៉ាឡេស្ទីន និងលីបង់។
អ៊ីរ៉ង់បាននិយាយថា វត្តមានរបស់អ៊ីស្រាអែលក្នុងតំបន់អាចបង្កស្ថានការណ៍គ្រោះថ្នាក់ ហើយបានអំពាវនាវឱ្យប្រទេសក្នុងតំបន់ប្រុងប្រយ័ត្ន ដើម្បីការពារសន្តិភាព និងសន្តិសុខ។
អ៊ីរ៉ង់ក៏បានស្នើឱ្យប្រទេសក្នុងតំបន់ កុំអនុញ្ញាតឱ្យទឹកដីរបស់ខ្លួនត្រូវបានប្រើ សម្រាប់សកម្មភាពដែលអាចបង្កអស្ថិរភាពក្នុងតំបន់។
តាមសារព័ត៌មានអ៊ីស្រាអែល ក្នុងដំណើរទស្សនកិច្ចនេះ ក៏មានតំណាងមកពីអាមេរិក អារ៉ាប៊ីសាអូឌីត ម៉ារ៉ុក គុយវ៉ែត បារ៉ែន លីប៊ី អូម៉ង់ និងអេហ្ស៊ីប ចូលរួមកិច្ចប្រជុំជាមួយមន្ត្រីអ៊ីស្រាអែល និង UAE ផងដែរ៕
