នៅថ្ងៃទី៦ខែតុលា ប្រទេសបារាំង កំពុងប្រឈមនឹងការតវ៉ាធំៗបន្ទាប់ពីសិស្សវិទ្យាល័យបានធ្វើបាតុកម្មទាមទារឱ្យរដ្ឋាភិបាល បង្កើនការវិនិយោគលើវិស័យអប់រំ។
ប្រភពពីសារព័ត៌មានBBC។
កាលពីថ្ងៃចន្ទ សាលារៀនជាង៥០០កន្លែង ត្រូវបានបិទទាំងស្រុង ឬមួយផ្នែកដោយសារការតវ៉ា។ ក្នុងរយៈពេលមួយសប្តាហ៍នៃការតវ៉ា មានសិស្សយ៉ាងហោចណាស់ ១៩០នាក់រងរបួស និងមនុស្សជាង ៥,០០០នាក់ត្រូវបានចាប់ខ្លួន។
កាលពីថ្ងៃចន្ទ សិស្សម្នាក់បានរងរបួសធ្ងន់រហូតដល់ បាត់ដៃ ក្នុងការប៉ះទង្គិចមួយ ខណៈសិស្សម្នាក់ទៀតត្រូវបានរាយការណ៍ថា ត្រូវគ្រាប់បែកផ្សែងបង្ហូរទឹកភ្នែកប៉ះក្បាលកាលពីសប្តាហ៍មុន។
នាយករដ្ឋមន្ត្រីបារាំងបាននិយាយថា រដ្ឋាភិបាលបានដាក់ចេញវិធានការមួយចំនួន ដើម្បីឆ្លើយតបនឹងការទាមទាររបស់សិស្ស។ ប៉ុន្តែសហជីពសិស្ស USL និយាយថា រដ្ឋាភិបាលមិនទាន់ផ្តល់ដំណោះស្រាយជាក់លាក់នៅឡើយទេ។
USL បានអំពាវនាវឱ្យប្រជាជនចូលរួមតវ៉ានៅថ្ងៃអង្គារ ខណៈសហជីពគ្រូបង្រៀន SNES-FSU ក៏បានអំពាវនាវឱ្យគ្រូបង្រៀនចូលរួមការតវ៉ាផងដែរ៕
