សហរដ្ឋអាមេរិកនិងក្រិក បានព្រមព្រៀងពង្រឹងកិច្ចសហប្រតិបត្តិការផ្នែកការពារជាតិ និងសេដ្ឋកិច្ច ដោយអាមេរិកប្រកាស ការលក់សម្ភារៈយោធាតម្លៃ ៤ពាន់លានដុល្លារ ដល់ប្រទេសក្រិក។
ប្រភពពីសារព័ត៌មានAA news នៅថ្ងៃទី៨ខែតុលា។
កិច្ចព្រមព្រៀងនេះត្រូវបានប្រកាសបន្ទាប់ពីរដ្ឋមន្ត្រីការបរទេសអាមេរិក Marco Rubio និងរដ្ឋមន្ត្រីការបរទេសក្រិក George Gerapetritis ជួបពិភាក្សានៅទីក្រុង Athens។
ការលក់អាវុធនេះមានគោលបំណងជួយក្រិកពង្រឹងសមត្ថភាពការពារជាតិ និងធ្វើឱ្យកងទ័ពរបស់ប្រទេសទាំងពីរអាចធ្វើការជាមួយគ្នាបានកាន់តែប្រសើរ។ អាមេរិកក៏នឹងផ្តល់ រថយន្តយោធា Stryker ដល់ក្រិកផងដែរ។
ប្រទេសទាំងពីរនឹងពង្រីកកិច្ចសហប្រតិបត្តិការលើ បច្ចេកវិទ្យាយោធា សន្តិសុខតាមអ៊ីនធឺណិត ការប្រឆាំងភេរវកម្ម និងការអនុវត្តច្បាប់។
លើវិស័យសេដ្ឋកិច្ច អាមេរិក និងក្រិកនឹងជំរុញពាណិជ្ជកម្ម និងការវិនិយោគ ព្រមទាំងពង្រឹងកិច្ចសហប្រតិបត្តិការលើ ថាមពល ឧស្ម័នធម្មជាតិ និងបច្ចេកវិទ្យាទំនើប។
ប្រទេសទាំងពីរក៏បានព្រមព្រៀងបន្តការពារបេតិកភណ្ឌវប្បធម៌របស់ក្រិក និងប្រយុទ្ធប្រឆាំងនឹងការជួញដូរវត្ថុបុរាណខុសច្បាប់៕
