អគ្គលេខាធិការអង្គការសហប្រជាជាតិ (UN) លោក António Guterres បានជួបប្រធានាធិបតីរដ្ឋាភិបាល និងមេបញ្ជាការកងទ័ពប៉ាគីស្ថាន នៅទីក្រុង Islamabad ដើម្បីពិភាក្សាអំពីបញ្ហា Kashmir និងជម្លោះទឹកជាមួយឥណ្ឌា។
ប្រភពពីសារព័ត៌មានTRT World នៅថ្ងៃទី៨ខែតុលា។
លោក Guterres បានជួបមេបញ្ជាការកងទ័ពប៉ាគីស្ថាន លោក Asim Munir ដោយពិភាក្សាអំពីស្ថានភាពសន្តិសុខក្នុងតំបន់ ការប្រយុទ្ធប្រឆាំងភេរវកម្មឆ្លងព្រំដែន និងតួនាទីរបស់ UN ក្នុងការរក្សាសន្តិភាព។
ភាគីប៉ាគីស្ថានក៏បានលើកឡើងពី សន្ធិសញ្ញាទឹកទន្លេ Indus ដែលជាកិច្ចព្រមព្រៀងចែករំលែកទឹករវាងឥណ្ឌា និងប៉ាគីស្ថាន។ ប៉ាគីស្ថានបារម្ភចំពោះការដែលឥណ្ឌាបានផ្អាកការអនុវត្តកិច្ចព្រមព្រៀងនេះ។
លោក Guterres ក៏បានជួបនាយករដ្ឋមន្ត្រីប៉ាគីស្ថាន Shehbaz Sharif។ លោក Sharif បានសង្កត់ធ្ងន់ថា ការចរចា គឺជាមធ្យោបាយសំខាន់សម្រាប់ដោះស្រាយជម្លោះ ហើយបានលើកឡើងពីសិទ្ធិរបស់ប្រជាជន Kashmir និងប៉ាឡេស្ទីន។
មេដឹកនាំប៉ាគីស្ថានក៏បានស្នើឱ្យមានកិច្ចសហប្រតិបត្តិការអន្តរជាតិកាន់តែខ្លាំង លើបញ្ហា Kashmir អាហ្វហ្គានីស្ថាន ការប្រឆាំងភេរវកម្ម និងស្ថិរភាពក្នុងតំបន់៕
