(ភ្នំពេញ)៖ គណៈកម្មការផ្សះផ្សានៃអនុសញ្ញាអង្គការសហប្រជាជាតិស្តីពីនីតិសមុទ្រ(UNCLOS) នឹងបើកកិច្ចប្រជុំលើកទី២ ជាមួយកម្ពុជា និងថៃ នៅទីក្រុងឡាអេ ប្រទេសហូឡង់ ចាប់ពីថ្ងៃទី១៤ ដល់ថ្ងៃទី១៨ ខែតុលា ឆ្នាំ២០២៦។
*នេះបើយោងតាមសេចក្តីថ្លែងការណ៍របស់ក្រសួងការបរទេស និងសហប្រតិបត្តិការអន្តរជាតិ ចុះថ្ងៃទី០៩.១០.២០២៦។
*ក្រសួងការបរទេស បានលើកឡើងថា”កិច្ចប្រជុំនេះគឺជាជំហានដ៏សំខាន់មួយទៀត នៅក្នុងដំណើរការដោយសន្តិវិធី ដែលផ្តួចផ្តើមឡើងដោយ កម្ពុជា ដើម្បីដោះស្រាយការខ្វែងគំនិតគ្នាលើបញ្ហាដែនសមុទ្រនៃប្រទេសទាំងពីរ។
ផ្អែកលើមូលដ្ឋាននៃការ ពិភាក្សាប្រកបដោយស្ថាបនា នៅក្នុងកិច្ចប្រជុំលើកទី១នៅប្រទេសសិង្ហបុរី កិច្ចប្រជុំលើកនេះនឹងផ្តល់ឱកាស ដល់ភាគីទាំងពីរស្វែងរកមធ្យោបាយដើម្បីសម្រេចបាននូវវឌ្ឍនភាពបន្ថែមទៀត និងរកឃើញចំណុចដែល ឯកភាពគ្នា ពាក់ព័ន្ធនឹងការកំណត់ព្រំដែនសមុទ្រ។
ឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីការបរទេស និងសហប្រតិបត្តិការអន្តរជាតិ ក្នុងនាម ជាភ្នាក់ងាររបស់រាជរដ្ឋាភិបាលកម្ពុជា អមដោយ ឯកឧត្តម ឡាំ ជា រដ្ឋមន្ត្រីទទួលបន្ទុករដ្ឋលេខាធិការដ្ឋានកិច្ច ការព្រំដែន ជាភ្នាក់ងាររង នឹងដឹកនាំគណៈប្រតិភូមន្ត្រីជំនាញច្បាប់ ចូលរួមកិច្ចប្រជុំគណៈកម្មការផ្សះផ្សា នៅ ទីក្រុងឡាអេ។
ដូចដែលបានគូសបញ្ជាក់ដោយ ឯកឧត្តមឧបនាយករដ្ឋមន្ត្រី ប្រាក់ សុខុន នៅក្នុងសុន្ទរកថា បើករបស់ ឯកឧត្តមនៅចំពោះមុខគណៈកម្មការផ្សះផ្សា គោលបំណងចម្បងរបស់កម្ពុជាគឺសម្រេចដំណោះស្រាយមួយ ដែលបម្រើផលប្រយោជន៍របស់ប្រជាជននៃប្រទេសទាំងពីរ ហើយរួមចំណែកផងដែរដល់សន្តិភាព កិច្ចសហ ប្រតិបត្តិការ និងវិបុលភាពរួមក្នុងតំបន់។
តាមរយៈដំណើរការនេះ កម្ពុជាមានចេតនាចុះសន្ធិសញ្ញាជាមួយថៃ កំណត់ព្រំដែនសមុទ្រទៅ និងការធំវែងចែកពងដែន គ្របដណ្តប់លើគ្រប់គោលបំណងរវាងរដ្ឋទាំងពីរ ឬកិច្ចព្រមព្រៀងស្តីពីការអភិវឌ្ឍរួម ប្រកបដោយសមធម៌ ក្នុងអំឡុងពេលរង់ចាំការឈានដល់កិច្ចព្រមព្រៀងជាស្ថាពរស្តីពីព្រំដែនសមុទ្ររបស់ ទាំងពីរ៕
