នៅថ្ងៃទី១៣ ខែតុលា ឆ្នាំ២០២៦ ប្រធានាធិបតីអាមេរិក លោក ដូណាល់ ត្រាំ បានរិះគន់ក្រុមហ៊ូទីនៅប្រទេសយេម៉ែន ដោយនិយាយថាក្រុមនេះកំពុងប្រព្រឹត្តសកម្មភាពមិនត្រឹមត្រូវយ៉ាងខ្លាំង បន្ទាប់ពីមានការវាយប្រហារជាបន្តបន្ទាប់លើអាកាសយានដ្ឋានក្នុងប្រទេសអារ៉ាប៊ីសាអូឌីត។
ប្រភពពីសារព័ត៌មានAl Jazeera។
ការវាយប្រហារទាំងនេះបានប៉ះពាល់ដល់អាកាសយានដ្ឋានអន្តរជាតិ King Khalid ក្នុងរដ្ឋធានីរីយ៉ាដ និងអាកាសយានដ្ឋាន King Fahd នៅទីក្រុងដាម៉ាម។ អាជ្ញាធរអារ៉ាប៊ីសាអូឌីតបានបន្តផ្អាកប្រតិបត្តិការនៅអាកាសយានដ្ឋាន King Khalid រហូតដល់ថ្ងៃសៅរ៍ ដោយសារការវាយប្រហារដដែលៗ។ របាយការណ៍បានឱ្យដឹងថា ការវាយប្រហារទាំងនេះបានបណ្ដាលឱ្យមនុស្សយ៉ាងហោចណាស់ ១៨ នាក់ស្លាប់។
ទន្ទឹមនឹងនេះ តម្លៃប្រេងឆៅនៅលើទីផ្សារអន្តរជាតិបានបន្តធ្លាក់ចុះនៅថ្ងៃអង្គារ។ អ្នកជួញដូរកំពុងតាមដានហានិភ័យនៃការផ្គត់ផ្គង់ប្រេង ដោយសារការវាយប្រហារនៅអារ៉ាប៊ីសាអូឌីត ព្រមទាំងលទ្ធភាពដែលរុស្ស៊ីអាចបង្កើនការនាំចេញប្រេងម៉ាស៊ូត៕
