កាលពីថ្ងៃអង្គារទី១៣.១០.២០២៦ ក្រុមនិស្សិត បាននាំគ្នាធ្វើបាតុកម្ម គប់ដុំឥដ្ឋ និងដុំថ្មទៅលើអគារក្រសួងអប់រំអាល់បានី ក្នុងទីក្រុង Tirana។
ខណៈប៉ូលិស បាញ់ឧស្ម័នបង្ហូរទឹកភ្នែក និងប្រើប្រាស់កាណុងបាញ់ទឹកដើម្បីបំបែក ។
សារព័ត៌មាន Reuters ។
ប៉ូលិសបានឃាត់ខ្លួនអ្នកតវ៉ាមួយចំនួន.ក្រុមនិស្សិតជាអ្នករៀបចំ គឺពាក់ព័ន្ធលក្ខខណ្ឌនានា នៅតាមសាកលវិទ្យាល័យ ថ្លៃចំណាយខ្ពស់សម្រាប់ថ្នាក់ឧត្តមសិក្សា ជំនួយផ្នែកហិរញ្ញវត្ថុ និងឱកាសការងារក្រោយពេលបញ្ចប់ការសិក្សា។
អ្នកតវ៉ាមួយចំនួន បន្ថែមថា ពួកគេចង់បង្ហាញការមិនពេញចិត្តចំពោះបញ្ហាវិសមភាព និងទៅកាន់រដ្ឋាភិបាល។
លោកស្រី Albana Koçiu ឧបនាយករដ្ឋមន្ត្រីនៃប្រទេសអាល់បានី បានសរសេរលើបណ្ដាញសង្គមហ្វេសប៊ុក យ៉ាងដូច្នេះថា អំពើហិង្សាមិនមែនជាដំណោះស្រាយទេ ហើយក៏នឹងមិនក្លាយជាដំណោះស្រាយដែរ។
ការគប់ដុំថ្ម វាយប្រហារលើស្ថាប័នរដ្ឋ និងប៉ូលិស ក៏ដូចជាការបំផ្លិចបំផ្លាញទ្រព្យសម្បត្តិសាធារណៈដោយគ្មានហេតុផលសមស្របនោះ មិនមែនជាវិធីដែលយុវជនគួរប្រើដើម្បីបញ្ចេញមតិ ឬបង្ហាញពីខ្លួនឯងឡើយ។
ការតវ៉ានៅអាល់បានី កើតឡើងស្របពេលដែលនៅបារាំង ក៏មានសិស្សវិទ្យាល័យធ្វើការតវ៉ា និងបិទផ្លូវចូលសាលារៀនអស់រយៈពេលច្រើនសប្តាហ៍មកហើយដែរ ដើម្បីទាមទារឱ្យមានការបន្ថែមចំនួនគ្រូបង្រៀន កែលម្អហេដ្ឋារចនាសម្ព័ន្ធសាលារៀន៕
