ការវាយប្រហាររបស់រុស្ស៊ី លើប្រទេសអ៊ុយក្រែន ក្នុងរយៈពេល២៤ម៉ោង បានសម្លាប់ជនស៊ីវិល៤នាក់និងធ្វើឱ្យមនុស្សយ៉ាងហោចណាស់១៤នាក់រងរបួស នៅតំបន់ដូណេតស្ក៍ ខាគីវនិងឆឺនីហ៊ីវ។
ប្រភពពីសារព័ត៌មានKyiv post នៅថ្ងៃទី២២ខែតុលា។
មន្ត្រីក្នុងតំបន់បានឱ្យដឹងថា ជនស៊ីវិល ២នាក់បានស្លាប់នៅទីក្រុងឌ្រូហ្សគីវកា និងក្រាម៉ាតូស្ក៍ ក្នុងតំបន់ដូណេតស្ក៍។ ចំណែកនៅតំបន់ខាគីវ ស្ត្រីអាយុ ៤២ឆ្នាំម្នាក់បានស្លាប់ដោយសារការបាញ់ផ្លោងរបស់រុស្ស៊ី ហើយមនុស្ស ៤នាក់ផ្សេងទៀតរងរបួស ក្នុងនោះមានក្មេងប្រុសអាយុ ១០ឆ្នាំ និង ១៣ឆ្នាំ។
ក្រៅពីនេះ ការវាយប្រហារដោយយន្តហោះដ្រូននៅពេលយប់បានបង្កការខូចខាតដល់យានយន្ត អគារ និងទ្រព្យសម្បត្តិរបស់ប្រជាពលរដ្ឋនៅតំបន់ខាគីវ និងស៊ូមី។ ចំណែកនៅតំបន់គីរ៉ូវូហ្រាត ក៏មានអគ្គិភ័យឆាបឆេះឃ្លាំងមួយផងដែរ។
ការវាយប្រហារទាំងនេះបានបង្កការខូចខាតដល់តំបន់ជាច្រើន និងធ្វើឱ្យជនស៊ីវិលបាត់បង់ជីវិត និងរងរបួស៕
