(ភ្នំពេញ)៖ ក្រសួងវប្បធម៌និងវិចិត្រសិល្បៈរបស់កម្ពុជា បានបដិសេធចំពោះ ការ ចោទប្រកាន់ជាបន្តបន្ទាប់របស់អាជ្ញាធរយោធាថៃ ដែលថាកម្ពុជាបានប្រើប្រាស់ទីតាំងប្រា សាទ បុរាណ សម្រាប់គោលបំណងយោធា។ ក្រសួងបានបញ្ជាក់ថា ការចោទប្រកាន់ដែល គ្មានមូល ដ្ឋានទាំងនេះ បានបំភ្លៃការពិត និងបង្វែរការយកចិត្តទុកដាក់ចេញពីការបំផ្លិចបំផ្លាញ ដែលកងកម្លាំងប្រដាប់អាវុធថៃបានបង្កឡើងចំពោះបេតិកភណ្ឌវប្បធម៌របស់កម្ពុជា។
តាមរយៈសេចក្តីថ្លែងការណ៍នៅថ្ងៃទី២២ ខែតុលា ឆ្នាំ២០២៦នេះ ក្រសួងវប្បធម៌ និងវិចិត្រ សិល្បៈ បានសង្កត់ធ្ងន់ថា ប្រាសាទបុរាណ និងទីតាំងបុរាណវិទ្យា គឺជាទីតាំងដែល មានសារៈ សំខាន់ផ្នែកវប្បធម៌ ប្រវត្តិសាស្ត្រ និងសាសនា សម្រាប់គោរពបូជា អភិរក្ស ស្រាវជ្រាវ អប់រំ និង ទេសចរណ៍ មិនមែនជាមូលដ្ឋានយោធាឡើយ។ ក្នុងនាមជារដ្ឋភាគីនៃអនុសញ្ញាអន្តរជាតិ កម្ពុជានៅតែប្តេជ្ញាចិត្តយ៉ាងមុតមាំក្នុងការការពារបេតិកភណ្ឌវប្បធម៌របស់ខ្លួន ស្របតាមច្បាប់អន្តរជាតិ។
ក្រសួង ក៏បានតវ៉ាដាច់អហង្ការចំពោះវត្តមានរបស់កងកម្លាំង យោធា ថៃ និងសកម្មភាពឯកតោភាគីនានា ដែលអាជ្ញាធរថៃបានអនុវត្តនៅប្រាសាទតាមាន់ធំ ប្រាសាទតាក្របី ប្រាសាទខ្នារ និងទីតាំងបុរាណវិទ្យាផ្សេងទៀតតាមបណ្តោយព្រំដែន ដោយ គ្មានការអនុញ្ញាតពីកម្ពុជា។ សកម្មភាពទាំងនេះរួមមាន ការបោសសម្អាតមីន ការកសា ង ហេ ដ្ឋា រចនាសម្ព័ន្ធ និងគម្រោងជួសជុល ដែលបង្កក្តីបារម្ភយ៉ាងធ្ងន់ធ្ងរទៅលើការមិនគោរព អធិប តេយ្យភាព និងបូរណភាពទឹកដីរបស់កម្ពុជា។
ក្រសួងវប្បធម៌ និងវិចិត្រសិល្បៈ បានអំពាវនាវឱ្យអាជ្ញាធរថៃ បញ្ឈប់ការចោទប្រកាន់គ្មាន មូល ដ្ឋាន និងរាល់សកម្មភាពឯកតោភាគីនៅតាមទីតាំងបេតិកភណ្ឌវប្បធម៌របស់កម្ពុជា ព្រមទាំង គោរព អធិបតេយ្យភាព និងបូរណភាពទឹកដីរបស់កម្ពុជា៕
