ប្រទេសកេនយ៉ា បានប្រកាសថា មានមនុស្សស្លាប់ដោយសារជំងឺអេបូឡាទី២ ខណៈជំងឺនេះកំពុងរាលដាលពីប្រទេសសាធារណរដ្ឋប្រជាធិបតេយ្យកុងហ្គោ ទៅកាន់តំបន់មួយចំនួនក្នុងទ្វីបអាហ្វ្រិក។
សារព័ត៌មានAl Jazeera នៅថ្ងៃទី២៤ខែតុលា។
ក្រសួងសុខាភិបាលកេនយ៉ា បានឱ្យដឹងកាលពីថ្ងៃទី២៣ ខែតុលា ឆ្នាំ២០២៦ ថា អ្នកស្លាប់ចុងក្រោយគឺជាស្ត្រីអាយុ ៦៥ ឆ្នាំ ដែលបានបង្ហាញរោគសញ្ញានៅពេលកំពុងដាក់ឱ្យនៅដាច់ដោយឡែក។ ស្ត្រីរូបនេះជាសាច់ញាតិជិតស្និទ្ធរបស់បុរសម្នាក់ដែលបានស្លាប់ដោយសារជំងឺអេបូឡាកាលពីដើមខែតុលា។
ក្រសួងបានបញ្ជាក់ថា បច្ចុប្បន្ន មានអ្នកជំងឺអេបូឡាចំនួន ៧ នាក់ កំពុងទទួលការព្យាបាលនៅមណ្ឌលដាច់ដោយឡែកចំនួន ២ កន្លែង។
ទោះជាយ៉ាងណា អាជ្ញាធរសុខាភិបាលបានអះអាងថា ករណីឆ្លងទាំងអស់ស្ថិតក្នុងក្រុមឆ្លងតែមួយ ហើយមិនទាន់មានភស្តុតាងបង្ហាញថា ជំងឺនេះបានឆ្លងរាលដាលទៅក្នុងសហគមន៍ទូទៅនៅឡើយទេ៕
